الصاحب الطيب بالاخلاص جازه
واحرص على اللي سمعته ترفع الراس
وإن كان تقدر لاطلب منك عازة
عطه الطلب تقدير لا تطوي الياس
(بدر الحويفي)

إليا اختلط حابل ذنوبك مع النابل
قل: يا كريم، وتنصّى يمّة القِبله
الله غفور ورحيم وللدعاء قابل
والتايب اللي قرب لله يقرّب له
(محمد الذرعي)

غريب الدار ومناي التسلي
أسلي خاطري عن حب خلي
سمعت الشور من قاصر معرفه
يحسب البعد عن داره يسلي
(خالد الفيصل)

انت كالطفل الذي تجري دموعه
زعله ورضاه في لحظة يتم
ياخذ الدنيا على كيفه وطوعه
والطفل عمر الطفل ما ينتقم
(عبداللطيف البناي)

تكفى يابو قلبي وعمّه وخاله
تكفى يابو كل الجروح القديمه
تكفى تعزيني بجرحن بقاله
في خاطري مثل انتظار الهزيمه
لديت يمّك شفت جرحك لحاله
ولديت يمّي شفت ضحكه يتيمه !
(غير معروف)

راحت على اهل السيف ومزارق الشلف
يومن غدا الدينار سيف(ن) وشلفا
(غير معروف)