ابي منه الخبر

خذاه اللي على خده علامة
سوادةَ غيم في شمسٍ مطلَّة
سرقني مادريت إنَّه سرقنـي
سلبني و أحسب إنَّي فاطنٍ له
أنا يوم أرسل عيونه لقلبي
عطيته مُهجتي والمعطـي الله
نصف زين الخلايق في عيونه
وباقي الزين في باقيه كلّه
(خالد الفيصل)

اذا زاد حزنك

ودك اذا زاد حزنك واحتواك القلق
تقرا على نفسك.. الاخلاص والغاشية
وتزكي النفس بالأذكار بعد الفلق
وتخاوي الليل وغيومٍ معه ناشية
الوقت هذا ..تساوى ذيبها بالسلق
ماتعرف .. الشيخ والمشيوخ والحاشية!
(عيادة الجهيلي الشمري)

فارقتها ياسعود

فارقتها ياسعود وذا المره بليا ردود
قد قلتها كلمة: انا ناسيها .. ناسيها
مير البلا لا شفتها في صدفة ياسعود
لا هلت العبرات قلي كيف أخبيها
(ابراهيم الغملاس)

كف كفه

كف كفه عن وصالي وكفيت
كل كفٍ صاح يبغى كفوفه
كل ماجتني طواريه صديت
لو عيوني في جفوني تشوفه
(حمد الحربي)

الموادع ..

لعنبو من لامني لا تجاهلت الوداع
الموادع حط وسط الحشا جرحٍ شنيع
الموادع حط قلبي من الفرقا رعاع
والسبايب كيّتينٍ مضاربهن جميع
كل ماتطري علي المظاليل الوساع
اتزفر زفرتينٍ يشيبن الرضيع
طامعٍ في مهرتن لاتسام ولاتباع
مابي الا هي وربي رماني في شفيع
(سعد بن جدلان)

البر في الوالدين

اقسم بربٍ خلقني منكِ و اوصاني
بِكْ خير وبطاعتِك في غير عصيانه
وامرني اعبده وحده لا شريكٍ له
والبرّ فالوالدين اسباب رضوانه
انك سعاده عسى ربي لا يحرمني
ويجزاك عني جنان الخلد سبحانه
(سليمان الشاردي)

بحة الصوت

يا بحة آلصوت اللي حيل تغريني
ماعاد باقي عشانك شي .. ماصرته !
(عايض النصافي)

لا تنازل

لا تنازل عن فخامة الامتناع
الحدايق ما لها سور منيع
ومايعلم بالصحيح إلا الشجاع
والصحيح يضيق الصدر الوسيع
(عبدالله علوش)

تزعل وترجع

تزعل وترجع وتلقاني على خبرك
وانا انكسر لك واجيك أدور لجبري
امحق وليف ومحبة والا اقول.. أبرك
حسبي عليك.. اعشقك وانت تحفر قبري
(محمد بن فطيس)

ضعت بك

مرةٍ كنّك الشمس وقت غروب
مرةٍ كنّك الحلم متشابك
كل ماجيت ابستلهمك واتوب
ضعت بك ضيعة العطر بثيابك
(مساعد الرشيدي)

1234الأخير ›