ذكراك

رحلت إنت وتركت بداخلي طيفك وصبر طال
غدت ذكراك شمس ماتغيب وصورتك ظلي
حكيت ومالقيت من الحكي إلا الندم موال
سكت ومت بالحسره ولاادري وش هو أحسن لي
تخيرت الفراق ومادريت إن الفراق وصال
أقول إني نسيتك بس ماادري كيف تاصل لي؟!
(طلال الرشيد)

الصبر

الله من صبر صبرته ولا فاد
والصبر مر اليا تعدى الحدودي
(الزلامي)

يبان الشوق

يبان الشوق في عين المعذب
ويبقى الدمع تذكار الأحبه
على العشاق مافيه شي أصعب
من فراق الأحبه للأحبه
ولابه شي في هالكون أعذب
من عناق الأحبه للأحبه
(خالد بن يزيد)

من بادي الوقت

من بادي الوقت وهذا طبع الأيامي
عذبات الأيام ماتمدي لياليها
حلو الليالي توارى مثل الأحلامي
مخطور عني عجاج الوقت يخفيها
اسري مع الهاجس اللي مابعد نامي
واصور الماضي لنفسي واسليها
(خالد الفيصل)

عشاق النصيحه

اعذلوني فيك عشاق النصيحه
وانشدوني عنك طرفين الحكيه
إن شكيت من الهوى قالوا فضيحه
وإن سكت استنقظوا جرحي عليه
كيف بخفي الحب وجروحي صريحه؟
كيف احجب الشمس ياخلي بيديه؟
من عذلني بالهوى الله يبيحه
ومن عذرني ماحصل مني خطيه
(بدر بن عبدالمحسن)

هم خذلوني

هم خذلوني وضاق القلب من صبره
من غابوا ..غابت اجمل اخباري
(فرج صباح)

ما مت

مامت لكن زهقت وطالت الحسره
وشلون بقلوبهم ما عاد لي طاري
(فرج صباح)

اقسى من الهم

اقسى من الهم والحرمان والذكرى
احساسي انك لغيري وانت فى يدي
(فرج صباح)

دموع عينك

ليتني ماشفت في عينك دموع
منظر الدمعه على خدك هلاك
(عبدالله الفيصل)

قرب الرحيل

قرب الرحيل .. وخاطري منك ماطاب
ياواحد عندك .. حياتي رهانه
وان قيل ..ابدل احباب باحباب
قلت آه .. لكن من يسد بمكانه
(عبدالله الفيصل)

‹ البداية295296297298299الأخير ›