حبيبي

حبيبي ..الغالي تجرعت فرقاه
بالله وش خليت لي يا زماني
مالي جدأ الا اتبع الاه .... بالآه
ماهيب من حلقي ..من اقصي المحاني
(عبدالله الفيصل)

كلك غلا

كلك تعالي غلا ... والا ارجعي كلك
بعض الغلا منك مايستاهل الجيه
اما تعالي لقلبٍ .. فز لك كلك
والا اتركيني ما ابي لك بالهوى جيه
(مساعد الرشيدي)

غيابك جمر

قالت غيابك وانتظارك جمر
وابطت تعاتبني وتتشره
قلت ابشري والرمش يامر أمر
يالول وجداني ويادره
واللي جمعنا يا انتظار العمر
ما اعود هالفرقا ولامره
(مساعد الرشيدي)

حبك فؤادي

ياكثر ماحبك فوادي .. وصانك
مع كثر ماتبعده .. كنك تناديه
(منادي)

قيمة الحب

كانك تقدر قيمه الحب كانك
اللي يودك .. لاتحاول تعنيه
(منادي)

فاقد الشيء

اخطيت يوم اني طلبتك حنانك
لاصرت فاقد شي ..وشلون تعطيه
مهما نطق لي بالمشاعر... لسانك
شيٍ بدون احساس .. ما اقتنع فيه
احساسك المصنوع خنته وخانك
جاملتني به وانت تجهل ..معانيه
منى نصيحه تنفعك في زمانك
الا شعورك ..لاتبيعه وتشريه
(منادي)

تخطي علي

تخطي علي .. واستسمحك .. وترجاك
ضعفي هواك ..وفطنتك ماتخونك
(سعود بن بندر)

حرام اشوف الدمع

حرام أشوف الدمع .. يملي عيونك
يامالي قلبي من الحب ... وشفيك
تقول حظك ياحياتي ... يخونك
وش قولتي في حظي اللي غدر فيك
ترى شجوني زودتها ... شجونك
خذ قلبي ... العب به لعله يسليك
(سعود بن بندر)

بس الزعل ليه؟؟؟

جيت المكان اللي بدأ حبنا فيه
وأمطرته عيوني بدمع الحنيني
وشكيت له قسوتك .. وإنكار ماضيه
يوم العهد .. وأيديك تحضن يديني
تعتب على معذور .. بس الزعل ليه
وأنا أعترفت بغلطتي لك بحيني
(سعود بن بندر)

يا شوف عيني

إلى متى ناوي فؤادي تعنيه
تحرم عيوني منك .. ياشوف عيني
عمري بلا قربك ..وشوفتك مابيه
من دونك الدنيا .. ملل ياضنيني
(سعود بن بندر)

‹ البداية295296297298299الأخير ›