استكثرك وقـتي

استكثرك وقـتي علي وغـدا بـك
عـادة زماني كلما طـاب هـون
ليـت الذي وداك يا زين جابك
تـشوف عـقبك كيف الايام سـون
عود ترى داعي الـهوى عند بابك
واروِ القلوب اللي بعد ما ترون
غـنيت لـك عـمري ولا جا جوابك
واسـمي مع مـجنون ليلى تـدون
(خالد الفيصل)

العيون خلها تحكي

العيون انـدى ينابيع الحقايق
خــلها تحكي لي اسرار الزمان
(راشد بن جعيثن)


من عافنا عفناه

مجبور تبعد يامنى النفس وانساك
مجبور انا ابعد واتركك لليالي
خلك مع اللي تنتحي له ويهواك
من عافنا عـفناه لو كان غالي
منته بعيدٍ لابغيتك ترى القاك
دايم رفيقٍ لي مرافق ظـلالي
ادعـي ولي العرش يازين يرعاك
قلـبي مع الايام لابد سالي
(ريم الصحراء)

لك حق تزعل

لك حق تزعل ثم لك حق نرضيك
ما اقوى زعل حبيب قلبي وعيني
ما دام قلبي يا اريش العين مغليك
اطلب ولك روحي وما في يديـني
لا تنشغل مالك وزينٍ يضاهـيك
ابيك أنا لو كان غـيرك يبيني
اول غناتي صوت الأشواق يدعيك
واخر غناتي شق صدري حنيني
(خالد الفيصل)

نسيتك

لا ما تذكرتك ولايمكن أذكـرك
أنا الى مني نسيتك ..نسيتك
لو كنت أحبك بخـسر الحب وأخسرك
هـويت هجـرانك..كـثر ماهـويتك
لاتنتظر منـي علـى حـزني أشكرك
ياعبرة عيوني..قنعـت وبكيتك
أبذكرك ..لا من نسيتك وأبعذرك
وابذكر اني بعد ماذكـر..نسيتك
(سعد ال سعود)

ودعتها

ودعتـها واخـفيت عنها دموعي
خايف تـحس بحسـرتي والتياعي
في لحـظة التوديع هـديت روعـي
بيـني وبين النـفس قمة صراعي
قـالت فمان الله وانطر رجـوعي
واشـرت بالتوديع حال استماعي
ساكـت ولارديت مـاهي طـبوعي
من عـبرتي تفرض علي امتناعي
(طلال السعيد)

وين ابو فيصل؟

الحزن لف المدينه والجزيره صاحت
وين ابوفيصل عسى الله يرحمه ويبيحه؟
العيون اتهل عبره والحمامه ناحت
و الاصابع بين تهليلن معا تسبيحه
(حمد بن سعد المسرع)

وا فهدنا

مااجتمعت الاقوام بادنى سوايـاه
يوفيه شعـر ٍ ذاهـلات ٍ قوافيـه
لعثم حسابات الأمم فـي مزايـاه
فهد الزعيم الحر وشلون نحصيه؟
(قهر يزيد)

فراق

ناظرتني بطرفها الساهي وقالت
لو تفارقني اموت!
وافترقنا .. لا لقا .. لا رسايل .. ولا صوت
وكنت أسال دايم أسأل
يا ترى وش صار فيها !؟
قالوا تزقح! ماعليها .. صارت أجمل
إبتسمت وقلت هذا اللي ابي.. بس!
كيف أنا صدقت يوم قالت بموت ؟
الصحيح .. إني غبي
(بدر بن عبدالمحسن)

دخيلك

دخيل الله عيونك.. لا تطالع لي كذا أتعب
دخيلك صد نضراتك حبيبي أطلبك وأرجيك
أضيع أن شفت أنا أهدابك عليم الله والأعجب
تطير لعنبوا دارك عقول الناس من عينيك
(الديحاني)