في غيبتك غابت عيوني عن النوم
وين أنت يالي مبتعد عن نظرها
عز الله إني صرت تايه ومجنون
ماعاد أميز يومها من شهرها
إن جيت أسلي خاطري عنك وأهيم
صرت النظر والعين تتبع نظرها
(غير معروف)
حالي بعدكم حال من يطرد الثأر
لأخوه واللي ذابح اخوه عمه
أبوه يقول النار ماتطفي النار
وامه تقول اخوك لايضيع دمه
زود على همه من الوضع محتار
يتبع كلام ابوه والا رضى امه
(محمد المهنا)
حبك جمعنا روح من عقب روحين
حبك سكنته غير سكن المباني
به من صفاتك يمكن الزين والشين
بس في عيوني انتي شيخة زماني
ولو ان سنيني بالعمر فوق الالفين
نذر لحبه لين دفن المحاني
(غير معروف)