حبيبي تعال

تعال وشوف لي دمعه ابحبسها الين القاك
لعلك تمسح الدمعه يغيب الحزن واشجانه
انا ياصاحبي مدري ذكرتك يوم جيت انساك
وذكرت انك رحلت وقلت هذا الحب واحزانه
(غير معروف)

عاشق ومالي حبيب

الليله احساسي غريب
عاشق وانا مالي حبيب
(طلال الرشيد)

الدلة

بشرب من الدلة ولو كانها سم
ما اهز فنجالي ولا اقول كافي
ما دامه بيمناك وتقولي سم
بسم الله اشرب كل سم عوافي
(غير معروف)

عاقل ولكن

عاقل ولكن طحت في وقت مجنون
لا اخوان في جنبي ولا حولي أعمام
(غير معروف)

لا تقول شتحب

لاتقول شتحب فيني أعشقك كلك
من ليل شعرك لشمسك واخر اقصاها
سميتني نصفك الثاني وياشحك
انا بسميك كلي وانت معناها
(طلال الرشيد)

لا عاش

لا عاش من ينساك يازين لا عاش
ولا عاش من بدل سواكم محبين
بدفع على رؤياك مليون بالكاش
ربحان لو زادوا عليه الملايين
(غير معروف)

تجاعيد الحزن

تجاعيد الحزن بانت على وجه الزمن يافلان
وكوني اظلم بلحظة وخابت كل امالي
تهشم خافقي مرة بيد وحش يقول : انسان
ترجيته تمنيته عن احساسي يظل سالي
(أمل المرزوق)

يدك لامدت وفاء

ودنا بالطيب بس الدهر جحّاد طيب
كل ما تخلص مع الناس كنـك تغشها
كل ماشبيت نار المحبة مـع حبيب
قام يسحل فـي مشاهيبهـا ويرشها
يدك لامدت وفاء لا تحرّى وش تجيب
كان جاتك سالمة.. حب يدك وخشِّها
وكل ما صادفت لك فالزمن وجه غريب
مثل ماقال المثل دام تمشي مشها
وذمةٍ ماهيب تندان للحق المصيب
جعل قشّاش الحطب لاسـرح يقتشها
(سعد بن جدلان)

أصفق للزمن

أصفق للزمن وإلا أصفقلك
وكل واحد علي أشطر من الثاني
(غير معروف)

صدك عن اللي

صدك عن اللي ملتفت لك ردى حظ
وركضك ورى اللي مهو يمك مذله
(غير معروف)

‹ البداية308309310311