أبيات القصيد - أجمل أبيات الشعر العامي

صبر

يشرب الهم دمعي,, يرتوي بالنضوب
حزن فيني يجف.. وحزن فيني يثور
ايه انا اللي غدا وجه انتظاره شحوب
وايه انا اللي سقى صبره بكاس القبور
(عبدالله عطية الحارثي)

المزيد

عيون الحب

عيون الحب.. لا يمكن تناظر
عيوب الخل.. لو هو عيب كله
تماري فيه.. وبوصفه تكابر
ترى من فوق خلق الله.. محله
(طلال العبدالعزيز الرشيد)

المزيد

اخاف اقول انك وحشتيني

اخاف اقول انك وحشتيني
وانا اللي اوحشوني كلهم راحوا
ياجوريٍ تمايل به بساتيني
أعيديني تعبت لناسٍ ارتاحوا
حياتي وحدة وهالموت موتيني
اليا غزّوا نصايب قبري وشاحوا
وليا مني فقدت ولا فقدتيني
ولا صحتي ليا من العرب صاحوا
انا وليدك لو انك ما ولدتيني
ياكثر الواقفين بوقفتي طاحوا
(رضا حليس الرويلي)

المزيد

كذبة ونصها صدق

مايذبح الا كذبةٍ ونصها صِدق
ولا خير من حكي القِدا كود قول اص
(رضا حليس الرويلي)

المزيد

يا ما ترضيتك

ياما ترضيتك ..كم قلت لك إرض
مع أنك أنت اللي تِسَبّب بهوّه
لا والذي وطّن تحت رجلنا الأرض
مالك سما واجمل علومك مشَوَه
فقري اعرفه..قرض واسده بقرض
والا المروّة مرتوي بالمروّة
(رضا حليس الرويلي)

المزيد

لو

لو بغيت أسلا غرامه ما قويت
حيث في حبه حياتي من ممات
قلبي الموجع يردد ما حييت
إكتم الشكوى وعش بالذكريات
في مجال الحب يكفي ما خذيت
إقبل الواقع ترى ما فات,, فات
(عبدالله الفيصل)

المزيد

تولجني

لو كل منهو تولجني تولجته
ضيعت بالناس من وقتي وحسْناتي
اشوم عن بعضهم لو زاد لجلجته
ماهو من الخوف لكن حشمة لذاتي
(عيدة الجهني)

المزيد

الرابح

الرابح اللي على المسجد يحث الخطا
محظوظ دامه مع الشيبان صلى الفجر
والخاسر اللي على فراشه يجر الغطا
محروم من راحة الدنيا وفضل الأجر
(همدان بن علي)

المزيد

تقدير

كانك.. تبي مني معزة وتقدير
ذاك الطريق الملتوي لا..تمره
انا رفعتك فوق عن كل تقصير
واللي يدور نفعتك لا..تضره
(عويد المطرفي)

المزيد

ول

ول وليت يالقلب المولع
عذب العين من سبة ذهابه
عادته يم الأقصين يتقلع
وطب الأدنين مايبري صوابه
(دبيان بن عساف)

المزيد