ناشط سياسي..

كنّا قبل..نرقد على صوت الأخبار
شان التغير عقب طار النعاسي
كان البزر همّه قطو يلحق الفار
اللحين همّه صار ناشط سياسي
(فهد المتلقم)

البيبسي..

حتى إنت يالببسي علينا تغليت
هذا وحنا ما بيوم قطعناك
هذا وغازك فتت الكبد تفتيت
ولا ردنا غازك ولو كان فتاك
ليتك عن نصيص الزياده تعليت
ولا قلت بعين الزباين حلاياك
حرمت عنك عقبها دخلت البيت
ماني زبونك دام هذي سواياك
(غير معروف)

باب حمام..

ياكاتب الذكرى على باب حمام
وش تنفعك ذكراك مع ريح ....!؟
ذكراك مازالت على مر الايام
كلن قراها واكثر الناس دقك
إن كنت ناقص عقل ماظن تنلام
وإن كنت جاهل واجبك من يطقك
وإن كنت مدرك ما كتبته بالأقلام
مكانك الحمام قدرك وحقك !
(عبدالله العتيبي)

لاتكره الدنيا

لا تكره الدنيا ولا تلعن الناس
للحين فيها ناس مثلك نظيفة
وكانك تفكر وين تقدير الإحساس ؟
غيرك يفكر وين يلقى وظيفة !
(ماجد الخالدي)

البنك..

البنك لولا لوحته ماعرفناه
من قل ماندخل على موظف البنك
ماطاح قرش في يدينا قرشناه
ودايم طفارى الله يجيرك ويامنك
(سعود المطيري)

تطوّرت العنز..

تطوّرت العنز مع من تطوّر
ولا هوب مقصور التطور على الناس
عقب الربيع الزين والخد الأخضر
قامت تعلّك بالمدينه بقرطاس
ترضع صخلها من حليبٍ مبستر
تخشى رشاقتها مع الوقت تنداس
باقي قليل ويشرب التيس "منكر"
ويروّج الهروين راعي وعساس
(عابرة سبيل)

مشجع فضولي

مالك مع اهل الخير موقف بطولي؟
خلك محايد..لاتوقف مع ابليس
والا اعتبر نفسك مشجع فضولي
اهم شي تكون انسان مو تيس !
(عبدالله علوش)

فللت جدولي كله

فللت انا جدولي كله
كله عشان ما افكر فيك
واللي يزيد الطين بله
اشغلتني في دقيقه بريك
(هواجيس الصمت)

جعلك تفنّش

ياللي تغيب وعذرك الشغل حدّك
وانا هيامي لاجل شوفك لعبّي
لا صار شغّلك عن حبيبك يردّك
جعلك تفنّش من دوامك ياربّي !
(غير معروف)

حالة بعض الناس

من الفجرية تنام للمغرب
يعني وقتك كله نايم
صومك عن مآكل ومشرب
ومصدق نفسك انك صايم!
(هواجيس الصمت)