كومار

ياكثر ماجاني من الناس شعّار
وياكثر ماعدوا قصايد وعديت
احيان اقول ان مالفت شعري افكار
واحيان اقول اني عن الرجم عديت
متفاوتين بشكل مُلفت للانظار
والمشكله ياكثرهم كان عديت
ماباقي إلا يكتب الشعر كومار!
هذا الصحيح ولاتقولوا تعديت
دمي على نظمه كما دلّه ونار
لين انعديت بفكر وبافكاري اعديت
(امجد الدبيسي)

آصوم

أصوم .. ما صام عنّك يالغضي قافي
لا صار من ريقك الحالي خذا رشفه
لا صارت الناس تفطر قشطة الصافي
أناعليك افطر من الشوق واللهفه
(غير معروف)

غلاك اكبر

غلاك أكبر من مرورك على النت
أن جيت أو ماجيت أبقى أحبك
(خالد المضياني)

في ظل

في ظلّ ما تِسلَب من حقوق يا صوت
ريّح وخلّ الصبر يشتالها عنك
الظاهر إن مالك حقوقٍ سوى الموت
دامه ليا من جاك ما ينوخذ منك
(سامي العرفج)

الصيف

ناس تصيف وصلت حدود هاواي
وناس لك الله وسط قدر يلوعي
جهز لي الدلة مع بيالة الشاي
ابي اتقهوى لين يرتاح روعي
(غير معروف)

زيدان

ان كان قلبك مايلاً للبرازيل
قلبي قبل زيدان عشقه فرنسي
(فهد الماضي)

فالصبح بقعا

طفله وتلعب في لعابيبها دوم
لا شافت الدمعه تقول أنت وععا
ماتدري أني طول الأيام محروم
فالصبح بقعا..وآخر الليـل بقعا
(سعيـّد آل مهود)

مشروبك الغازي

باقي على مشروبك الغازي ديو
ما تعشق البيبسي وطعم الميرندا
يوم الجلكسي شبْ في داخلي ضو
دايم بأناملك الرقيقات يُهدا
للجمر واللولو وجو الهوى جو
لمياء طارق مثلها مثل يلدا
لو كلّهم راحوا ولو كلهم جو
لك غير مبدا هالمخاليق مبدا
في حضرتك دايم ترى الجو يحلو
يسرع معاك الوقت وان غبت هدّا
بأروح أنا السوبر وأباخذ لي ديو
لعيونها بطّلت بيبسي وميرندا
(محمد صياح الدبيسي)

باي ياعطله

باي باي ياعطله وباي باي ياصيف
ويامرحبا بالمدرسه والدراسه
ترحيبة اللي تزعجه جيت الضيف
ماقرب لضيفه من الشاي كاسه
جتنا الدراسه شايله بيدها سيف
كنها عدون مشتهر بالشراسه
هذاك ثورن مايحفظ التعاريف
وهذاك دافورن وزايد حماسه
وهذاك سرحانن بحب المواليف
ينحت أساميهم على كل ماسه
(محمد العطريز)

باقي اسبوع

باقي اسبوع وادخل الدوره
وانا ماجهزت بدله وسروال
بالامس اطارد ورى الكوره
واليوم الله عليمن بالحال
(غير معروف)