أبيات بواسطة بدر

لا تنتظر

لاتنتظر منه كلام ومعاذير
مثله ترا عيب(ن) عليك احترامه
خله على وجهه تدور الدواوير
ياتيك قبل تاتيه رابط حزامه
يكفي دروبك زهر فل ونواوير
ودرب غيرك شوك شبك وندامه
(فهد عبدالله الماضي)

ماهوب رجال

لا والله ماغفت عيني ولا هنا لي بال
و رفيقي طايح (ن) يبي من يشيله
إلا باقف معه لو كانت الأمور جبال
احط يدي بيده و اشيل حمله و ارتكيله
واللي ينام بوقت الشدايد ماهوب رجال
خص ليا صار الرجل يسوى قبيله
(فهد عبدالله الماضي)

غريب

أدري فيك أدري
لا ما يكفي إنّي أدري
ودّي أسمع كلمة منك
كلمة فيها نور عمري
أنا أحبك
قول قول خل تطير الدنيا فيني
قول قول خل ليالي الشوق تجيني
يالّلي كلمة وحدة منك
ترسم الدنيا بعيوني
غريب غريب!
(بدر بورسلي)

عزاه

عزاه ياقلب(ن) تولع على ماش
ماغرته خضر السنين و كدرها
ضايع بهجمات الفقر و التنحاش
ودفاع بابه ولعتين(ن) بنحرها
يولع بهن لا صار بالقلب نقاش
يبرد مغاليل الدرك لا فجرها
بايع دنياه على طرفة قماش
والاخره عنده تساوي كثرها
(فهد عبدالله الماضي)

خل الشبابيك

خل الشبابيك تحكي قصة اغيابك
من كثر مشكيلها و احضن ستايرها
باحت دموع الوله كله على حسابك
و انا انتظر طـلتك,,يالله تيسرها
(فيصل العطاوي)

كثر الله خيرك

مابك قصور و وجهك أبيض ومشكور
أدميت قلبي كثّر الله خيرك
الجرح ينزف بس مقدور مقدور
مصيري ألقى من يداويه غيرك
(ماجد المقاطي)

متغيره

متغيره يالله عسى مابه خلاف
من حقي أسأل عن غرامي وأحاتي
أدري رجل لكن من فراقك أخاف
صعبه بدونك ياحياتي حياتي
(ماجد المقاطي)

12