أبيات بواسطة شهد

اعرف رجلاً

أعرف بين رجال العالم رجلاً
يشطر تاريخي نصفين
أعرف رجلاً يستعمرني ويحررني ويبعثرني
ويلملمني ويخبؤني بين يديه القادرتين
أعرف بين رجال العالم رجلاً
قد علمني لغه العشب
ولغه الحب
ولغه الماء
كسر الزمن اليابس حولي غير ترتيب الأشياء
أعرف رجلاً أيقظ في أعماقي الأنثى حين لجأت إليه
(د.سعاد الصباح)

الحب حرب

لولا الرجا ماحجوا الحجاج
ولا فكر المسجون بفراجي
والحرب كر وفر واستدراج
والحب حرب(ن) مابها ناجي
الزين يذبح ويالله المخراجي
وصد الحبايب موت(ن) مفاجي
(خليل الشبرمي التميمي)

ارحل

بيني وبينك غربتن كنها الليل
ماعاد يذكرنا مكان التلاقي
أرحل مع النسيان وبرحل مع سهيل
ماعاد في قلبي لك اليوم باقي
(سهيل)

الوعد

تأكد يا وعد وإلا
ترى لى جيت باتغلّى
وبتأخر و لو لحظة
وأجيك أسابق اللحظة
و لا أغمض و لا غمضة
تفوّت من سناك ومضة
(خالد الفيصل)

ايه احبك

أيه أحبك هذا حضي اللي أنكتب
ودربي اللي أمشيه وأدري به تعب
إيه أحبك وانت فعيوني سهر
وانت وسط القلب حرات وقهر
(عيسى بن راشد آل خليفة)

اركد ياطير شلوى

لاترتفع بالحيل ياطير شلوى
ترى زمان البين مايرحم الريش
ماطار طير إلا على القاع دلوى
قد قالها قبلي رجال(ن) مداغيش
وترى الكبر والكذب فالرجل بلوى
اركد وخل السمن يركد على العيش
(غير معروف)

تالي عصير

الضيقة اللي دايمٍ تالي عصير
وش حيلتي وأردها لا تجيني
لا طال ظل العود حزة عشى الطير
كنها على سجن الحديد تحديني
يضيق صدري كل ما جات وأسير
ولايخفف سوج رجلي حنيني
لا حولنا مشراف ولا اقدر اطير
يالله قسمة خـير لا تبتليني
(حمد بن فطيس)

بعض العرب

بعض العرب ودك تحطه بمخباك
وتضهر خشيمه كل ساعه وتحبه
(غير معروف)

روحي تبيك

مابه جديد وماخذيتي يكفيك
ياللي خذيتي مع حقوقك حقوقي
لفي على الرمش روحي تناديك
تعالي انسي في خفوقك خفوقي
(سعود بن عبدالله)

ميت احساس

الحب عظم صورتك في خيالي
ولا انت ميت قلب ماعندك احساس
(علي القحطاني)

1234الأخير ›