أبيات بواسطة طلالكم

شريت ببكاي

من كثر ماضاقت من احبابي عيوني
ماعاد شفت الطريق اللي يوديني
شريت ببكاي ضحكتهم وبكوني
إلا احرقوا دم قلبي في شراييني
مروا علي مثل الاشباح وتعدوني
لا ضيعوا عقلي ولا غيروا ديني
صديت عنهم ورحت أمشي على هوني
وأن جيت أدورهم الله لا يحييني
من رخصهم لو من دموعي شحب لوني
مع كل دمعه يطيح أثنين من عيني
(فلاح القرقاح)

الرفقة

من نفعة اللي ماطلبني منافيع
جميلةٍ في غير اهلها ضياعي
فاسواقها ما عاد لاشري ولا ابيع
لخطيت من رفقة طويل الذراعي
اللي على الرفقه يسوقه دوافيع
هذاك تشرى رفقته ماتباعي
اما يشجعني على الطيب تشجيع
والا يعلمني حميد المساعي
والا ليامنه رمعني رواميع
وضاقت علي كل الفجوج الوساعي
جيته ويسرلي عسير المواضيع
وخلا خفايا خاطري له وساعي
(سعد بن جدلان)

البارحة

البارحه يوم الاوادم خواشيع
في نومها وانا على الكوع واعي
همٍ يمزع سترة القلب تمزيع
تقول ينهش ثومة القلب افاعي
خذت القلم من بين روس الاصابيع
وحبيت اميز سيرتي وانطباعي
عزلت من صدقان عطلة الاسابيع
وعزلت من ضحك الوجيه الصناعي
(سعد بن جدلان)

المحتاج

ويالله برزقٍ ما لاحد فيه منة
ينسي المحتاج وش كان محتاج
ويالله بمحتاجٍ ليا سِد عنه
يذكر موافقنا بدعوة وهو حاج
كنت احسب الناس للناس جنة
واثر القلوب لبعضها صالي الصاج
ووجهي اللي مالقى من يحنه
من منة العالم ومن بعض الاحراج
(فهد الصعيري)

معاملة الربا

والحب اجمل شي بالدنيا ولكنه يهبا
احساس واحد فيه ممكن يدمر الخمس الحواس
يخلي الرجال مايدري برك والا حبا
يمشي مابين الناس لكن مايشوف الناس ناس
يشوف وجه اللي يحب بكل ترفات الصبا
مثل ما اشوف اللي ملامح وجهها الطاهر كلاس
رعبوبتن قامت تعاملني معاملة الربا
تعطيني وتاخذ دبل ماتعطي بوقت وقياس
احبها وانا ادري انها سمٍ بجسمي دبا
ولاهوب طالع من عروقي لين يودعها يباس
(فهد الصعيري)

انت حر

أنت حُرٌّ والحُسنُ لايعرفُ القيدَ
فصادر حريَّتي وانطلاقي
لم يكن باليسيرِ صبري على عَسفكَ
لو أنني طليقُ الوثاق
(حمزة شحاتة)

قلبك الأناني

يصغّرك في العين قلبك الأناني
و انا الكبير اللي يمدّ الثمينة
لا تسأليني عن وفاي و حناني
هذا كلام كبار ما تفهمينه !
(خالد سعد الدوسري)

تعبت اغيب

أنا قافل على ماضيك في الأعماق
وأظنّ إنّي نسيت الجاي بالماضي !
إذا فاضي ؟ تعال أعلّمك تشتاق
تعبت أغيب وغيابي على الفاضي !
(محمد المغيرفي)

علقوني

علقوني في طرف صوتك و انا
خايف انك تسكت بـ لحظه و اطيح !
(سعود الفليح)

قل للشمال

قل للشمال اللي رمى اخر الورد
وش حيلة المحتاج إلا سكاته
بعت الدفا واشري من يدينهم برد !
بالله قلي .. من يقدم حياته !
(سلطان المدرهم)

1234الأخير ›