أبيات بواسطة طلالكم

معاملة الربا

والحب اجمل شي بالدنيا ولكنه يهبا
احساس واحد فيه ممكن يدمر الخمس الحواس
يخلي الرجال مايدري برك والا حبا
يمشي مابين الناس لكن مايشوف الناس ناس
يشوف وجه اللي يحب بكل ترفات الصبا
مثل ما اشوف اللي ملامح وجهها الطاهر كلاس
رعبوبتن قامت تعاملني معاملة الربا
تعطيني وتاخذ دبل ماتعطي بوقت وقياس
احبها وانا ادري انها سمٍ بجسمي دبا
ولاهوب طالع من عروقي لين يودعها يباس
(فهد الصعيري)

انت حر

أنت حُرٌّ والحُسنُ لايعرفُ القيدَ
فصادر حريَّتي وانطلاقي
لم يكن باليسيرِ صبري على عَسفكَ
لو أنني طليقُ الوثاق
(حمزة شحاتة)

قلبك الأناني

يصغّرك في العين قلبك الأناني
و انا الكبير اللي يمدّ الثمينة
لا تسأليني عن وفاي و حناني
هذا كلام كبار ما تفهمينه !
(خالد سعد الدوسري)

تعبت اغيب

أنا قافل على ماضيك في الأعماق
وأظنّ إنّي نسيت الجاي بالماضي !
إذا فاضي ؟ تعال أعلّمك تشتاق
تعبت أغيب وغيابي على الفاضي !
(محمد المغيرفي)

علقوني

علقوني في طرف صوتك و انا
خايف انك تسكت بـ لحظه و اطيح !
(سعود الفليح)

قل للشمال

قل للشمال اللي رمى اخر الورد
وش حيلة المحتاج إلا سكاته
بعت الدفا واشري من يدينهم برد !
بالله قلي .. من يقدم حياته !
(سلطان المدرهم)

يمر صوتك

يمر صوتك على النسيان واتذكرك
ويمر وجهك على الجدران وأقبله
ماخفت لاطيح من عيني وانا ادورك
لاني أحبك كثر من حب مستقبله
(عايض النصافي)

حظ سيء

شي واحد قبل لا ارحل بقوله
انت .. أجمل حظ سيء في حياتي
(سعد علوش)

رفقة الطيب

من يحط إذنه على كل سماعة
جاه فرقى ما بعدها تجمّاعي
إن تجمّعنا على العزّ والطّاعه
وإن تفرّقنا فجوج الله وساعي
فاقدٍ لي سلعهٍ وأغلى بضاعه
سلعةٍ تشرى ولا هي بتنباعي
رفقة الطيب ليّا غيّر طباعه
أشهد إنها كيّة توجع اوجاعي
(سعد بن جدلان)

الغلا

خلوني أسجّ عن موضوعه أحسن لي
وإلّا الغلا والله إن يبطي وهو غالي
(سعد بن جدلان)

1234