أبيات بواسطة طلالكم

سولف

سولف على النسمات
قبل الكلام يفوت
لو تكثر الاصوات
صوتك هو احلى صوت
(عبدالعزيز فايز)

يا صدري

ياصدر احنك عن الضيق وتضيق
الى متى ذا الحزن ياصدر قلي
ياصدري الدنيا حظوظ وتوافيق
وانا من الثنتين ذي ما حصلي
لو ان حظي مثل حظ المرازيق
ما كان عود بي على طير ياللي
ماني بشاكي ضيقتي للمخاليق
اخاف احد يدري بكثري وقلي
دام الرجال اسرارهم بالصناديق
ماني بشاكي لو اموت بمحلي
(سالم بن جخير)

تقول كيف الحال

تقول كيف الحال؟ مدري مواساه
وإلا كذا من باب .. روتين وحقوق
على العموم ... بخير والحمد لله
ماغير جيتك ضايق ورحت مخنوق
( سامي العرفج)

تناديك

ترى كل هالدنيا تساهيل.. مادام اننا بنعيش مره
تلدين وتزين التعاليل.. تصدين وتصد المسره
وأناديك ودموعي هماليل وفي الصدر تنهيده و حره
أحبك وما للحب تأويل ولا شفت منك إلا المضره
وتمونين يا ريم المكاحيل على القلب في خيره وشره
اذا جيتي استاهلك بالحيل واذا كان ما تبغين حره
فديت الوسيعات المظاليل.. رماح الهلاك المستشره
وخطواتك اللي بالخلاخيل، لها في الصدر والقلب جره
وسواليفك بكل التفاصيل وصوتك بها لله دره
ابي منك ما ينهد لي حيل على شي ما يسوى المبره
(ياسر التويجري)

نخاف البعد

كنّا نخاف البعد والحين شفنا
متفارقين سنين ماهمنا شي
(ذعار الديري)

مرتاح احبك

مرتاح احبك ولا علمت
حتى انت عييت ابين لك
برق لمع بالعيون وخفت
مواجع القلب توصلك
عساك في ناظري ماشفت
كيف المعاليق يومن لك
من خوفتي لاحترق جنبت
هربت من شمسك لظلك
اخشى عليك الهوى لو طحت
وما تلني يمك يتلك
(خالد الفيصل)

من بعد مزح ولعب

من بعد مزح ولعب
اهو صار حبك صحيح
وأصبحت مغرم عيون
وأمسيت وقلبي طريح
وأخجل إذا جات عيني
صدفه في عينك وأصير
مربوك وحاير بأمري
من فرحي أبغى أطير
(ثريا قابل)

يا صغرها بعينك

‏أسبوع ترضى عنّي وتزعل أسبوع
‏صبري على نفسيّتك من صبرها ؟
‏و يوم اتبعك وانا مع الناس متبوع
‏يا صغرها بعينـك وهـي يا كبرها !
(حمود بن وهقه)

سقى الله نجدا

سقى الله نجدا، والسلام على نجد
وياحبذا نجدا على النأي والبعد
نظرت إلى نجد وبغداد دونها
لعلي أرى نجدا وهيهات من نجد
ونجد بها قوم هواهم زيارتي
ولا شيء احلى من زيارتهم عندي
(مروان الاصغر)

حجازي الهوى

بكى، فرنت له أجبال صبح
وأسعدت الجبال به مروت
حجازي الهوى علقٌ بنجد
جويٌ لا يعيش ولا يموت
كأن فؤاده كفّا غريق
تنازعه بشط البحر حوت
(عبد الله بن عجلان النهدي)

1234