أبيات بواسطة عسل

صباح الخوف..

صباح الخوف والجلاد واللي صعب تحريره
صباح اللات والعزى ومناة الثالثه الاخرى
صباح المهزله هذا الصباح .. وألف تسعيره
صباح اسـكت مـهو شغلك رجالات الزمان ادرا
كتبته من زمان..اقرا بنور الغار تفسيره !
الين اخر علامات انتظار الساعه الصغرى
سجنته بين قوسين (الجمال وفن تعبيره)
وسلمني يدين امس ومفاتيح لقفل بكرا !
(خالد الردادي)

اتجاهاتك..

فكر وارسم بالايام اتجاهاتك
اليوم افرح ولا تحزن على أمسك
لا تنتظر شخص يبني لك طموحاتك
اتعب وحاول تكون نفسك بنفسك
(عبدالعزيز فايز)

مانيب طماع

مانيب طماع في شوفك لكني محروم
لآني احبك بآقصى طاقتي الممكنه
لذا من ايامك الواجد ابي ربع يوم
عشان افرح بهذا اليوم طول السنه
(سعد علوش)

ميت عشان يعيش

الناس تمشي على الريموت
يديرها الفقر والتهميش
هذاك عايش عـشان يموت
وهذاك ميت عشان يعيش
(ياسر التويجري)

مربى عنب

في ثغَرّها عسل سدر ومربى عنب
وفي طرف وجنتيها شي من هالقبيل
كل بنتٍ ماتَحشمها..قليلة أدب
وكل رجال مايشري رضاها بخيل
(ياسر التويجري)

ليالي الغربة

الليلة أجلس يا قلبي خلف الأبواب
أتأمل وجهي كالأغراب
يتلوّن وجهي لا أدري
هل ألمح وجهي أم هذاوجه كذاب!
(فاروق جويدة)

خلقني مسلمة

مابقى للفرح في روحي حضور
وما سألت الحزن يسكني لمآ
ايه اشوف الكون من حولي يدور
وكم عجزت اعيش كوني وافهمه
السعادة حلم و الاحلام زور
وكل هالاشياء حولي مبهمه
هذه الدنيا لنا سكة عبور
واحمده ربي خلقني مسلمة
(بنت الشيمة)

ملحك و سكرك

ذوّبتني مابين ملحك وسكرك
وأهديتني قلبك وروحك وحالك
أقدّر جهودك في حبّي وأقدّرك
وأسكّنك بين الحنايا لحالك
ومنّي جزيل الشكر والقلب يشكرك
على سموّك يالغضي وإكتمالك
(محمد السبيعي)

زرار الثياب..

لا تحسب اني مغيبن مستريب
اقرب عليك من زرار الثياب
يومك تحفر الجحر تحفره وانت ذيب
ماتدري ان بداخل الجحر داب
(عوض الدواي)

غربه حقايق

عشت في غربة حقايق وفي وضع اغتراب
والتجارب عرفتني على شي كثير
شفت ناس ترسم الوردة في صدر الغراب
والغراب اليا بغيت ألمس الوردة يطير
أستفدت من الذيابة ومن نبح الكلاب
وأستفدت من الرغى وأستفدت من الهدير
ولا كسبت إلا معرفة عزيزين الجناب
ولا خسرت إلا معرفة عديمين الضمير
(عيد بن مربح)

123