أبيات بواسطة علي الفقيه

لا أقدر أمشي ولا أروح

سهران لين الشمس يكمل وضوحه
وانام ولا أقدر أمشي ولا أروح
مجروح روحٍ والعزا بان بوحه
واخاف سدّي من العنا يعلن البوح
(منصور بن سعدي الرمالي)

لا تزعل أصحابك

لا تزعل أصحابك.. وتفرح عليك الجبان
اللي مزاجه إذا زاد زعلك يستوي
وأحّذرك لا تجي في ماقفٍ به هوان
تشويك الأعدا على نار المهونة شوي
(سعد بن حجيوي)

يابعد كل من حبيت

كفى الله فراقك يابعد كل من حبيت
عسى الموت لي قبلك وطيّات الأكفاني
أنا ويش يبقى لي الى أرخصتني واقفيت
ولا لي مراد بعيشةٍ كلها أحزاني
(محمد العبيد الله)

غذر الزمان

لاصار غدر السنين اشكال والواني
غصباً تموت القلوب ودمها فيها
وانا زماني سرى والنوم ماجاني
والنفس دايم تحن لذكر ماضيها
(سالم المحيريق)

حقوق الجار

احفظ حقوق الجار خلّك له سلاح
قاله رسول الله بحكمة فصيحه
والصمت حكمة والصبر خير مفتاح
والعدل ميزان العقول الرجيحه
(حسن علي الهاجري)

رعبوبة

واللي بلاه النصيب بحب رعبوبه
راحت من ايده وقلبه بين أياديها
يبطي ونفسه عن اللذّات محجوبه
ويندم على الساعة اللي شافها فيها
(فلاح القرقاح)

حالي من الصد منكوبه

أخفي عن العالم معالم محبتها
وأنا والله إن حالي من الصد منكوبه
جروح الهوى تبرى وتبرد حرارتها
ليا حصل الظامي من العِد مشروبه
(شبيب بن شاهر)

غابت الشمس

مرحلة جت.. وجت من بعدها مرحلة
وكل من يطلب الحظوه يسمّى لحوح
غابت الشمس.. والباقي عجزت أوصله
كن بيني وبينك ليلتين وجروح
(عبدالله حمير القحطاني)

فعل الجميل

من كان بالسيف يسطو عند قدرته
على الأعادي ولا يبغي على أحد
فإن سيفي الذي أسطو به أبداً
فعل الجميل وترك البغي والحسد
(ابن خيران)

ذوي ظلم

إذا رأيت ذوي ظلم فقل لهم
ستندمون وحاذر أن تساكنهم
كمن مثلهم في الورى كانوا جبابرة
فأصبحوا لا ترى الا مساكنهم
(أبو الوفاء العبدلي)

12345الأخير ›