أبيات بواسطة فيصل

لعنبوك

لعنبوك ان مت بيدك وش يفكك من أخواني
لحزنو ربعي علي وش اللي تستفيده؟
(حامد زيد)

دخيلك لا تلفت

احبك؟ حسبي الله ليت مالك في سماي بروج
ولا لك في البسيطة كود شيء بينك وبيني
دخيلك لا تلفت رح بفالك واترك المرجوج
تغانم مابقي لك ولا أنا ما عاد يمديني
فمان الله سق ركبك على درب السنين العوج
ولكن طالبك لا أقفيت عني لا تخليني
(ضيدان بن قضعان)

وجع حب

وجع حب وجع شعر وجع شوق وجع ضيقه
على كيفك وهاك اختار هذي سلة اوجاعي
غلا واسمع نزيف الجرح كلام الصمت ما اطيقه
انا محتاج اسولف لك عن اول وآخر اوضاعي
(سليمان المانع)

ليت ما لك

ليت مالك في حياتك لا خوي ولا طليب
كان باخشك وسط خافقي وأقول ضاع
والله إني أحبك وأحبك وأحبك لين أشيب
يعني لين أموت وأنا أحبك للنخاع
(سعد علوش)


تجاعيد الحزن

تجاعيد الحزن بانت على وجه الزمن يافلان
وكوني اظلم بلحظة وخابت كل امالي
تهشم خافقي مرة بيد وحش يقول : انسان
ترجيته تمنيته عن احساسي يظل سالي
(أمل المرزوق)

يدك لامدت وفاء

ودنا بالطيب بس الدهر جحّاد طيب
كل ما تخلص مع الناس كنـك تغشها
كل ماشبيت نار المحبة مـع حبيب
قام يسحل فـي مشاهيبهـا ويرشها
يدك لامدت وفاء لا تحرّى وش تجيب
كان جاتك سالمة.. حب يدك وخشِّها
وكل ما صادفت لك فالزمن وجه غريب
مثل ماقال المثل دام تمشي مشها
وذمةٍ ماهيب تندان للحق المصيب
جعل قشّاش الحطب لاسـرح يقتشها
(سعد بن جدلان)

تعلم

تعلم تحترم حب وتعلم تحترم انسان
تعلم دامها الدنيا عطتك الدرس مجاني
(غير معروف)

أكبر قهر

اكبر قهر شوفة وليفك مع الغير
يضحك ويعطي مثل ما كان يعطيك
(ابراهيم العظامات)

‹ البداية212223