أبيات بواسطة معانق الجرحّ

قبور الحزن !!

هالحين انا ماعندي احباب يا ريم
أمشي وكني غربةٍ مستبدّه
من بعد ماكنت ألمس بضحكي الغيم
صرت أحفر قبور الحزن بالمخدّه !
(غير معروف)

صمت وهواجس !

صمت وهواجس وليل وبرد ومفارق
وصوت الحطب من سمعته ما هدا روعي
يا برد قلي وانا في هاجسي ..غارق
النار هي فالحطب ؟ والا ورا ضلوعي !
(غير معروف)

عشان الناس ماتشره !

لوْنّا ضحكنا وجاملنا أهالينا
نضحك ونمزح وكلن داخله جمره
ياعيد لاتخدعك ضجة تهانينا
حنّا نهني عشان الناس ماتشره!
(عبدالله الخزمري)

انزعي هالبرد!

اِنزعي هالبرد و اِلا
اِتركيني للهبوب !
أشتِعِل في وسط قلبك
ميّتٍ ما حدٍ درى بي !
(احمد المطوع)

قصت ظفايرها

قصت ظفايرها ودريت
البارحه جاني خبر!
(بدر بن عبدالمحسن)

يذوب بك

تجين مثل النور.. في قلب كافر
و يذوب بك قلبٍ من الشوق شمعه
(غير معروف)

في عيونك

في عيونك حياة وفي حروفك دفا
وفي شفاتك قراح لذةٍ للشاربين
حط ايدك بأيدي لين تـعرق وفـا
ضمني لين تسمع للمحاني ونين !
(غير معروف)

يا تاركتني

يا تاركتني للظما في رجا ماك
بالله ماعمر العطش يوم بلّلك ؟
أصعب من احساسي بفرقاك .. فرقاك
ياصعبها .. لامن جلست اتخيّلك
وقفت في نصف الطريق اتحراك
لانتي رجعتي لي ولا انا مشيت الك
كنك زرعتي داخل عيوني اشواك
وشلون اغمّض جاوبي قبل ما اسألك!
(زايد الرويس)

ناوي بعاده

سكت له فترة(ن) ثم ابتسم لي
عرفت انه نوى يبدا بعاده
هدم كل الغرام اللي بنيته
إباده في اباده في اباده
قرب منّي وفي اذني همس لي
عرفت انه يلقنّي الشهاده !
(عبدالله الذويبان)

تعالي

تعالي ما لقيت اصحاب
يحلف لك أنين الباب
انه مابقى حولي .. سوى ظلي وبُعدك
ماغدى للشمس معنى من تركتي
سوى القيض
وماغدى لليل معنى من هجرتي
الا الكدر والغيض
(عبدالرحمن بن مساعد)

1234الأخير ›