أبيات بواسطة معانق الجرحّ

ثمان سنين !

رفضت استوعب اللي صار ولا استسلمت للتغيير
ثمان سنين اجي نفس المكان بساعة المغرب
ورغم ان الثمان سنين جرح وكلّفتني كثير
انا لليوم اجي وأدعي تجي يارب تجي يارب
(محمد الشهري)

بيدينها

بيدينها تقطف من أعماقي الورد
ولا حاولت في يوم تسقيه ماها!
احبها للحب وحبها صدّ
يمكن مع الأيام تعرف خطاها
(سعد آل سعود)

بنت عم الياسمين

يابنت عمّ الياسمين
يابنت خال الأغنيات
فكّـرت اجيك بدمعتين
أو دمع تين من ثمرات
آنا احبك كل حِـين
والحين احبّـك للـممات
تفضلي عقب الحنين
قلب ٍ على قـيد الحياة!
(بندر المحيا)

مالي اراها

مالي أراها لاتردُ سلامي ؟
هل حرّمت عند اللقاء كلامي !
او ذاك طبعُ الجيدِ يبدينَ الجفاء
وفؤادهنَّ من الصبابةِ دامي
(حمزة شحاته)

تصافحك عيني !

تصافحك عيني وانا كفي اعمى
مالي جدا الا نظرة الموق للموق
ياما شربتك شوف من خوف لا اظمى
وياما الوله للوصل يبّس بي عروق
(بدر بن عبدالمحسن)

ان طحت

إن طحت من طولي فأنا طحت من علْ
واقوم انا رغم الألم وارتطامي
طيحة عزيز القوم والله مهي ذل
لاتجزعين من الكسر ياعظامي
(هيفاء التميمية)

ياسعد ..

ياسعد وش شاف مجنون ليلى بالغرام
أشهد انه وان بلِي بلوته ياهونها
ياسعد ليلاه وان مات فيها مستهام
تدري انه بالهوى ياسعد مجنونها
المصيبه من غدى ميتٍ له كم عام
عشقته ماتدري انه قتيل عيونها
خذ وصاتي ياسعد وصله بنت الحشام
ذي وصاتي كان غيري غدى مظنونها
لاشرت ثوب الفرح تشتري لي باع خام
يدفنوني ليلة العرس ويزفونها
(خليل الشبرمي)

ذي راحتيني..

ذي راحتيني منزل الدمع لاجْتاح
ياعلنّي ماعدمك ياراحتيني
(هيفاء التميمية)

سمعتهم ..

سمعتهم لو خفتوا حس الاصوات
فحيح الأفعى صوت مامن مضرّه
ناس ٍ على ظلي تسلّى وتقتات
ياعلهم ينسون طعم المسرّه
(هيفاء التميمية)

ذليني

ذليني أكثر يابعدّ هالكرامه
ياعلّني فدوة مواطيك يمّه
(هيفاء التميمية)

12345الأخير ›