أبيات بواسطة نور

عصفور في اليد

وكيف أصدق أيها الغريب
أن عصفوراً في اليد
خير من عشرة على الشجرة
وأنا أعرف أن العصفور في اليد
هو امتلاك لحفنة رماد
والعصفور على الشجرة
نجمة فراشة
حلم بلا نهاية ...
(غادة سمان)

مواعيد الصدف

وين الصدف يامهملين المواعيد !
ذبلت مواعيد الصدف .. واستثارت
حنا بقايا من يعاني التقاليد
واحلامنا .. ملت يدينا وطارت
(سلطان المدرهم)

الزمن دوار

‏أثر الزمن دوار وايامنا طيش
‏ومصادم الأيام يحتاج صملة
‏‏الطير ياكل نملة الأرض ويعيش
‏وان مات ترجع تاكل الطير نملة
‏(‏رائد هلال المطيري)

غلطتي

يومها بين ايديني والغلا عادي
ويوم قفت تفجر حبها فيني
كنها حطت التوقيت بفؤادي
لامشت حبها يفجر شراييني
قبل تقفي وانا متماسك وهادي
وعقبها ضاق كل الكون في عيني
غلطتي كنت متراهي ومتمادي
كنت احسب الزمن والوقت يمديني
واثر من لا تغانم فرصته غادي
اه يا فرصتن ضاعت من سنيني
(حمد السعيد)

ما تكررك الحياة

لو أشوف أشباهك بكل الدروب
أنت واحد ، ماتكرّرك الحياة !
(نايف الرشيدي)

في الحزن حاير

‏لا هي واضحة
‏ولا شي ،،،
‏حتى في الحزن حاير
‏احزن على اللي مات
‏والا احزن ،،،
‏على اللي حي !
(سعد الماضي)

انا متفائل

أنا متفائل بهـذا الصبح
تفائل الطفل بيد أمّه
اللي ما تنمد .. إلا بربح
وإذا انثنت راحت تضمّه
(ياسر التويجري)

حطي قلبك بقلبي

غيبي بكيفك يا بعد كل ناسي
موافق تزيدين .. ضيقي وغُلبي
يوم انّك تحطّين راسك براسي!
ما ودّك .. تحطّيين قلبك بقلبي ؟
(عبدالله السرهيد)

اصدقاي

‏ياطيحتي.. حتى اصدقاي خذلوني
‏تفرًقوا .. ماكني بعينهم شي
‏تخايلوا في مقتلي واتركوني
‏هالك ظما.. لاني بميت ولا حي
(محمد الدحيمي)

خيوط الهدية

من تفتح خيوط الهديّة لين
يسألك صاحب هذي من منّه ؟
مرّت على موت القلوب سنين
وفالنار قلب وقلب فالجنّة
(سعد علوش)

12345الأخير ›