أبيات بواسطة نور

وحيد مع دمع عيني

وحيد مع دمع عيني وابتساماتي
لايمكن إنسان يذرف دمعته لأجلي
اللي نساني وانا في عز طيحاتي
لا يلتفت لي وانا واقف على رجلي
(عبدالمجيد الزهراني)

حلمي..

ما اخاف تحقيق حلمي يوم يتأخر
آخاف حلمي يموت بيوم تحقيقه
(عبدالمجيد الزهراني)

مصدوم ..

مصدوم بالناس واكثر صدمتي فيني
من لا يشاركك حزنك لايجي فرحك
من لا بكى لي وانا دمعي ملا عيني
ما ابغاه لا شافني أضحك يجي يضحك!
(عبدالمجيد الزهراني)

مد اليدين

هو ليش نتفارق كذا دون سبّه
يومٍ وصلنا . . للنهايه رجعنا
مدّ اليدين اللي جفتها المحبّه
الى متى وحنا نراقب بعضنا ؟
(رائد بن هلال)

بسمة عدو

اكره جميع انكسار إلا انكسار الجيوش
واحب كل ابتسامه غير بسمة عدو!
(رائد بن هلال)

في كل قلب

في كل قلب من القلوب احبك
مايكفي احبك بقلبي الواحد
(سعد علوش)

كيك وعسل

كيك وعسل لكن ماهو في صحون
ودعاك من عين الحسود.. غطاك له
الله لا يعطيه ناس ينضلون
ويستر عليه من النحل لا ياكله
الوصف والتعبير في وصفه يخون
غير اطلب الله يستجيب دعاك له
(محمد بن فطيس)

انوارها سكانها ..

إثر البيوت انوارها سكانها
ماهي بزخرفها ولا بنيانها
بيوت مرفوعة وترفع من زبن
ياسعد عين اللي زبن باركانها
وبيوت لا جتها الخلايق تنكسر
لو كان من صافِ الذهب عمدانها
وبيوت لا جتها الخلايق ترتفع
لو كان ماتلقى عشاء ضيفانها
يالله عس الطيب يجي دايم قوي
ولا تالي كرام العرب رديانها
لأن الكريم ليا قوى .. ربعه قوو
واهل الردى تكبر ويصغر شانها
(سعد المطرفي)

ظبيٍ نطحني

ظبيٍ نطحني يجر الغيّ ويل امّه
مثل امي انه عذاب الروح مثل امي
عليه لبّسني ابليس الهوى عِمّة
وابليس من قبل ابن خالي وابن عمي
يا ليت من هو تلّين في طرف كِمّه
اليا تمدّد طرف كمّه على كمّي
غروٍ ذبحني وانا من لحمه ودمه
وش بقّى للّي ما هو من لحمي ودمي
لا جيت اخمّه وقلت الخمّه الخمّه
قال ابتعد يا ولد بدري على خمّي
ما يدري انّه خبر إنّ وانا ضمّه
يا حلو حلو الخبر مرفوع بالضمّي
(ناصر الفراعنة)

سنين البطا

ياعاشقة ثوري معي
في وجه ظالم و اعدلي
من حرم ايام اللقا
ما حلل سنين البطا
(عبدالله علوش)

12345الأخير ›