أبيات بواسطة نور

كلام امنياتي

ما قلت كل اللي بقلبي و لو قلت
ما عاد اعرف اشرح كلام امنياتي
من غير امل و احبك اكثر و ما زلت
مؤمن بانك كل شي بحياتي!
(صلاح العرجاني)

ما أجي ثاني

حبيت ذاتك حب ما بعده
انسان في الحب يتحداني
مشكلتك انك ما تبي وحده
ومشكلتي اني ما أجي ثاني!
(انفال القلاف)

لا تحقر صغارك ..

لاتحقر صغارك ..صغارك أماني
في عيون اللي يحبّك .. يا كبرها
ضحكتك هذي اللي مدّتها ثواني؟
لي ثلاث سنين وانا منتظرها
(سعد علوش)

اتركوني ..

إتركوني, والله إن ماعاد عندي مطمع
فالحياه، إلا مكان من الأوادم خالي
ودي أبعد عن ضجيج الناس وأسكت وأسمع
صوت خطواتي وأنا أمشي فالظلام لحالي
(فيصل العطاوي)

حبر سبابتي ..

كل ما شفت الندى فوق الزجاج
أكتب أسمك .. من حبر سبّابتي
وكان يقتلني شعور الاحتياج
كلّ ما ذابت .. حروف كتابتي
(ماجد مقبل)

مشتاق لك ..

مشتاق لك مشتاق لك مشتاق لك
مشتاق لك مشتاق لك..وآعيدها
مشتاق لك مشتاق لك مشتاق لك
ليت الوزن يسمح عشان ازيدها!
(سعد علوش)

رغم انتظارك..

رغم انتظارك ٲبرر غيبتك نومك
مازال عندي ٲمل فالله يجمعنا
وكِثر انتظار المكان/الورد لقدومك
حتى فصوّرنا انتظارك صورته معنا
(عدنان الثبيتي)

وحيد..

وحيد مالي فالليالي حيل
من بنتي فـ بالي .. وما بنتي
الساعه الحين 12 بالليل
او بالاصح .. 12 الا انتي !
(محمد الشويّب)

لم أجد مهرب

من الموت بغرامك : لم أجد مهرب
أسافر من ضفافك و أحضن ضفافك
أنا و الذكريات و حزة المغرب
ثلاثتنا نحبك لكن نخافك !
(خلف الضيف)

أنا عدوك

مسكين فالدنيا وبتموت مسكين
مادام همك بس . . تعكير جوّي
لازم تعرف الفرق ما بين شيئين
أنا عدوك .. و أنت منت بعدوّي !
(جابر بن علوش)

‹ البداية56789