أبيات مختارة

الله حسيب اللي خذوه

الله حسيب اللي خذوه وسروا به
يا ليتهم خلوه وإلا خذوني
قفوا ولا وده يروح ومشوا به
ثم التفت وأقفا وهيض شجوني
(السامر)

تذكرين..

تذكرين أثنين صكـّوا بينهم بابّ المواجه؟
قالت انت تشتكي قصه عليك ابغى اشتكيها
قلت طيّب تعرفين اتعس رجلٍ يصعب علاجه!
قالت اللي حب له بنتٍ لا تجيه ولا يجيها
(غير معروف)

حبيب روحي

حبيب روحي ..مهو نفسي ولا عقلي
لأن عقلي يشك .. ونفسي تعاني
روحي تحبّك وروحي ماهي بمثلي
تخيّل ان روحي تدعي لك وتنساني
(سعد علوش)

ما لمحته ..!

علموه إنّي تفقدت الوجيه
وما لمحته وأنزرع بالجُوف آه !
البكا ورّم عيونٍ ترتجيه !
حتّى خفّاقي من اللوعَه بكاه
يا رياح الشوق .. هالدفتر خذيه
باكر يمُوت القصيد وما قراه!
وعلميه أن ضاقت الدنيا عليه
صاحبه باقي هنيَّا ما نساه
(غير معروف)

فارقتها ياسعود

فارقتها ياسعود وذا المره بليا ردود
قد قلتها كلمة: انا ناسيها .. ناسيها
مير البلا لا شفتها في صدفة ياسعود
لا هلت العبرات قلي كيف أخبيها
(ابراهيم الغملاس)

الدمعتين

والدمعتين اللي تململ بجفني
البارحة مع سجدة الليل طاحن
(عايض الظفيري)

مجد بلادي

الله البادي .. ثم مجد بلادي
ديرتي .. غيرتي
حبي اللي في العروق
جارفٍ .. دافي .. صدوق
حالفٍ ما أشـرب و أذوق
غير حب بلادي
(بدر بن عبدالمحسن)

الدلة

بشرب من الدلة ولو كانها سم
ما اهز فنجالي ولا اقول كافي
ما دامه بيمناك وتقولي سم
بسم الله اشرب كل سم عوافي
(غير معروف)

يا أملي

بسطت كف الرجا والناس قد رقدوا
وبت أشكوا إلى مولاي ماأجد
فقلت: يا أملى في كل نائبة
ومن عليه بكشف الضر أعتمد
أشكوا إليك أموراً أنت تعلمها
ما لي على حملها صبر ولا جلد
وقد مددت يدي بالذل مبتهلاً
إليك يا خير من مدت إليه يد
فـلا تردنها يا رب خائبة
فبحر جودك يروي كل من يرِدُ
(غير معروف)

عذبتني لبنى

لقد عذبتني ياحب لبنى
فقعْ إما بموت او حياةِ
فإن الموت أروح من حياة
تدوم على التباعد والشتاتِ
وقال الأقربون:تَعَزَّ عنها
فقلتُ لهم:إذن حانت وفاتي
(قيس لبنى)

مثل السحاب فرحك

اضحك وخل اللي يشوفك يقول انت
مثل السحاب فرحك.. والامطار بسمتك
(فهد الماضي)

عتاب وملام

مابرى الجرح في صدري عتاب وملام
وأنت جيت بعذر .. وأطو المعاذير طي
لا تتعّب لسانك بالعذر والكلام
ميّت إحساس دايم يجرح إحساس حي
(محمد الزعبي)

ولكني امرؤٌ للناسِ ضحكي

ولكني امرؤٌ للناسِ ضحكي
ولِي وحدي تباريحي وحزني
وتأبَى كبريائي أن يَرانِي
فَتَىً مغرورقاً بالدمع جَفْنِي
فأستر عَبرتِي عنـهُ لئلا
يَضِيقُ بِهَا وإن هيَ أحرقتني
(ايليا ابو ماضي)

البس له أغلى اللبس

أبوس خشمه وأنشده ويش لونه؟
ومحبتي له ما وراها طمايع !
واقدره واشاركه في حزونه
وأثره عدو لي خبيث الطبايع!
أكْحل عدوك لين تعمي عيونه !
والبس له أغلى اللبس لو كنت جايع
(خلف بن هذال)

أكبر خطاي

تدري وش أكبر خطاي الله يسامحني
إقفايتي عنك وأنت اللي تمنيته
‏(تركي الميزاني)