أبيات مختارة

جفت اقلام الغرام

جفت اقلام الغرام وطول المحبوب باله
والله اني ماهقيت ان الغضي يقسي عليه
وش خطاي الا المحبه وش رجاي الا وصاله
وش يبي غير الموده والغلا والمقدريه
دللوه اللي ربوه صغير واسرف بي دلاله
ليت لي قلب يطيق الصبر وعيون خليه
(نايف صقر)

فديتك

فديت وقتن حط في دربي صديق
واحدن يضحك معي واضحك معه
واحدن لاصار وسط القلب ضيق
بالسوالف والمزايح وسعه
وان حكى بأسلوبه العذب الرقيق
يسرق من الجوف قلبن يسمعه
(غير معروف)

حكمة العاقل

اذا صارت حكمة العاقل خيانه
انا اشهد مابه بالبشر مجنون
(هيثم الليحاني)

ساطي ومتغطرس

ان لم يكن مركزي بالصف الاول امام
ماعاد تفرق معي لو كنت قبل الاخير
(ياسرالتويجري)

أولى بهذا القلب

أولى بهذا القلب أن يخفقا
وفي ضرامِ الحبّ أن يُحرَقا
ما أضيعَ اليوم الَّذي مَرّ بي
مِن غيرِ أن أهوى وأن أعشقا
(عمر الخيام)

خطاك

خطاك انك تصدقني إلا من قلت لك بنساك
انا لامن نسيت الحمد قلّي وش أصلي به؟
(سعود الفهد)

يقول من عدى

لاخاب ظني بالرفيق الموالي
مالي مشاريهٍ على نايد الناس
لعل قصـر ما يجيله ظـلالي
ينهد من عال مبانيه للساس
لاصار ما هـو مدهـل للرجالي
وملجا لمن هو يشكي الضيم والباس
(محمد الأحمد السديري)

روحي فداكَ

ما لي سِوى روحي، وباذِلُ نفسِهِ
في حبِّ منْ يهواهُ ليسَ بمسرفِ
فَلَئنْ رَضيتَ بها، فقد أسْعَفْتَني
يا خيبة َ المسعى إذا لمْ تسعفِ
يا مانِعي طيبَ المَنامِ، ومانحي
ثوبَ السِّقامِ بهِ ووجدي المتلفِ
عَطفاً على رمَقي، وما أبْقَيْتَ لي
منْ جِسميَ المُضْنى ، وقلبي المُدنَفِ
فالوَجْدُ باقٍ، والوِصالُ مُماطِلي
والصّبرُ فانٍ، واللّقاءُ مُسَوّفي
(ابن الفارض)

حب يغيب

حب يغيب وصاحبه مابعد غاب
وحب يدوم وصاحبه في غيابه
وحب يذوب خافقا مابعد ذاب
وحب يداوي صاحبه من عذابه
وحب بلا معنى وحب بلا اسباب
يبقى غريب وينتهي في غرابه
(علي السبعان)

لعيونك

ياللي بقلبي صعب حله وربطه
وياللي بعيني نهر جمر و شلال
قال الهوى يا فرحة العمر شرطه !
بنت ٍ تصير عيونها قلب رجّال
(بدر بن عبدالمحسن)

الساعه

عقارب الساعه دموع الحقايق
فيها السنين اتموت بالعمر واتطيح
(تنهات نجد)

السيف عدلن

حنا خلقنا قبل لا يوجد الضيف
خوفن يسير مايحصل حدينا
وحنا خلقنا والليالي مناكيف
وغصبن مشت معنا وحنا مشينا
احدن يحاول بالجبال المشاريف
وحنا رقينا قمة الفرقدينا
السيف عدلن وانشدو صانع السيف
مير انحنى يوم امسكنه يدينا
(نويميس النويميس الشمري)

يارب لاشحّت الأشيا

من الألف لين حرف اليا
من منبرك لين محرابك
يارب لاشحّت الأشيا
ماشحّت وضاقت رحابك
لوتقفل بوجهي الدنيا
ماباوقف الاّ على بابك
(عبدالمجيد الزهراني)

عقبتني للدين

لا صار جدك ما ورث لك ملايين
ماهوب لازم تشتريله ضحيه
قله يا جدي جعلك من المناجين
والله ما تسوى قيمة البربريه
عقبتني للدين ومصارع البين
ومن زين طبعك كاتب ٍ لك وصيه
(ذعار الفريدي)

وإن ضاعت الهقوه

و الله ما يحرم الرجال من نومه
الا صديق ٍ من اول كان معتبره
لا جاه في واجبه و يدور لزومه
والياه ما هو الصديق اللي على خبره
(فيصل بن عباد)