أبيات جديدة

لا تشتكي وقتك

لو عشت عمر شعيب وانت بمهونة
ضايع .. وما تقضي من العمر ضايع
والعز .. يوم يغامر الرجل دونه
واعمار غيرك مثل عمرك .. ودايع
واليا لقيت أهل الدهر يشتكونه
لا تشتكي وقتك على كل صايع
(خلف بن هذال)

الرعاع ..

ما يوقّف للرعاع .. الا الرعاع
الخصم ياخذ من اخصامه سِمه
و الهجوم .. افضل وسيله للدفاع
بس .. ما كل الهجوم بـ نهجمه
ما نواجه مَن على وجهه قناع
الضعيف يسدّ عن فعله : فِمه
والله إن البغض في طبع الشجاع
اجمل مْن الود .. في طبع رخمه
(فيصل العطاوي)

مرحبا رمضان

رمضانُ يا مسكَ الشهورِ تعطرتْ
أيامُنا وازدانت الأنوارُ
أقبلتَ صبحاً يزدهي بجمالِهِ
فتفتحتْ وتبسمتْ أزهارُ
والصومُ يُهْدِي للنهارِ سلامَهُ
كالسُّحْبِ في طياتِها الأمطارُ
أقبلتَ بدراً باسماً لقيامِنا
والنورُ يسري والرضا أقدارُ
أنت الحبيبُ أتى وتمضي مسرعا
فرحتْ بك الأوقاتُ والأخيارُ
(محمد جنيدي)

حتى وليفك

الوقت لو زان لك ياصاح مادامِ
ياسرع ماتعترض دربك بلاويها
حتَّى وليفك ولو هيَّم بك هيامِ
سيَّور الايَّام تجنح به عواديها
(خالد الفيصل)

حلمي

إنّي أُصاحِبُ حِلمي وهو بي كرمٌ
ولا أُصاحِبُ حِلمي وهو بي جُبنُ
(المتنبي)

عطش الأرواح

جاءني بالماء أروي ظمأي
صاحب لي من صحابي الأوفياء
يا صديقي جنّب الماء فمي
عطش الأرواح لا يروى بماء
(إيليا ابو ماضي)

نحن الرياح

تجري الرياح كما تجري سفينتنا
نحن الرياح و نحن البحر والسفن
إن الذي يرتجي شيئاً بهمّتهِ
يلقاهُ لو حاربتهُ الانسُ والجنُ
فاقصد الى قمم الاشياءِ تدركها
تجري الرياح كما رادت لها السفنُ
(المتنبي)

كانوا هنا

احفظ لهم ودٍ على مر الآيام
حتى واذا من محجر العين طاحوا
واليا سأالك القلب قله من العام
كانو هنا .. كانو هنا بس راحوا
دربٍ يودي في مساريه الأحلام
لا تلتفت لو باطرف العمر لاحوا
(محمد سليمان العنزي)

القلوب إللي بهاجسها تماري

يا القلوب إللي بهاجسها تماري
من بلاها وش بلاها ما أتعلّم
كل ما جتها من الذكرى طواري
تحسب ان إللي جرحها جا يسلّم
دايم و لا بد للفرقا مواري
و دايم العاشق على الحب يتألّم
(عبدالله بن حواف)

الطيب يا مال الغنيمة

والله ما يكبر في عيون الرجاجيل
إلا مواقيف الرجال العظيمة
و إلا الردي دايم ردي مثل ماقيل
راس ادمي واللي تشيله بهيمة
عنِّز على الله ثم على صفوة الجيل
الطيب الطيب يامال الغنيمة
لا تلتفت على اهل القال والقيل
اللي يشيلون الرجوله ظليمة
ترى الجمل والعبد والداب والسيل
لازم ثقتك تكون فيهم عديمة
(مدغم ابو شيبة)

نصفي الثاني

انت في كل حاجة نصفي الثاني
إلا قلبي .. لأنك ماخذه كله
(فهد الحيدان)

العذر السمين

صابتني التخمة من العذر السمين
ماعاد في .. جوفي .. مكانً للعذر
صرنا من احداث الليال .. ملكعين
وإلا اول اجوادٍ نجامل .. ونعذر
(نجم جزاع الاسلمي)

انت اخر انسان

انت اخر انسان في بالي يخليني
و انت اول انسان في دنيّاي .. خلاني
(جابر بن علوش)

حتا لو جدك كحيلان

خل فعل العمام وخل فعل الخوالي
ندري انك ولدهم والعلاقة وطيدة
وندري ان فعلهم يستر بنات الحلالي
حتا لو جدك كحيلان وانته حفيده
إما حث القدم و اطلع على راس عالي
وإلاّ خلك كذا وان مت .. ما انت بفقيدة
(سلطان الهاجري)

ابي منه الخبر

خذاه اللي على خده علامة
سوادةَ غيم في شمسٍ مطلَّة
سرقني مادريت إنَّه سرقنـي
سلبني و أحسب إنَّي فاطنٍ له
أنا يوم أرسل عيونه لقلبي
عطيته مُهجتي والمعطـي الله
نصف زين الخلايق في عيونه
وباقي الزين في باقيه كلّه
(خالد الفيصل)