أبيات جديدة

البر في الوالدين

اقسم بربٍ خلقني منكِ و اوصاني
بِكْ خير وبطاعتِك في غير عصيانه
وامرني اعبده وحده لا شريكٍ له
والبرّ فالوالدين اسباب رضوانه
انك سعاده عسى ربي لا يحرمني
ويجزاك عني جنان الخلد سبحانه
(سليمان الشاردي)

بحة الصوت

يا بحة آلصوت اللي حيل تغريني
ماعاد باقي عشانك شي .. ماصرته !
(عايض النصافي)

لا تنازل

لا تنازل عن فخامة الامتناع
الحدايق ما لها سور منيع
ومايعلم بالصحيح إلا الشجاع
والصحيح يضيق الصدر الوسيع
(عبدالله علوش)

تزعل وترجع

تزعل وترجع وتلقاني على خبرك
وانا انكسر لك واجيك أدور لجبري
امحق وليف ومحبة والا اقول.. أبرك
حسبي عليك.. اعشقك وانت تحفر قبري
(محمد بن فطيس)

ضعت بك

مرةٍ كنّك الشمس وقت غروب
مرةٍ كنّك الحلم متشابك
كل ماجيت ابستلهمك واتوب
ضعت بك ضيعة العطر بثيابك
(مساعد الرشيدي)

يالله عن القل

يالله عن القل والعوزات والحقره
ومصافق الوجه بين فلان وفلاني
ويالله عسى كان جدي ماكفا قدره
في وجه ضيفه ،، تجملني بضيفاني
(مساعد الرشيدي)

قهوة صبح

أنفض نعاسك عن عيونك .. وقوم
كل قهوة صبح .. موعد للحياة
(عايض النصافي)

انا بديت أشك

يوم الله آتى بك علي و بِنت
أبسألك عنْك .. وعن أجناسك
من طين؟ والا من حجر وإسمنت
أنا بديت أشك .. في ساسك!
تدوّر الزلة .. و أدوّرك أنت
و تقّطع احبالك وأنا ماسك
(مزيد الوسمي)

كلام واجد

وش صرت من بعدي؟ وقبل وش كنت
كلام واجد داخل أقواسك
باقي من أشيائك بعد ما خنت
عطرِ قديم بـهيئة أنفاسك
هانت عليّ جروحك وما هنت
لـ الحين أشوفك غير عن ناسك
لانت قلوب الناس لي .. مالنت!
يا شرهة أغصاني على فاسك
(مزيد الوسمي)

متى ترضى؟

مدري متى ترضى؟ وأنا اللي كنت
رغم الزعل راضي ومتماسك
من بعد كل اللي حصل آمنت
برد الشتاء أدفى من إحساسك
كل البلاوي فوق راسي و أنت
كل البلاوي .. من تحت راسك
(مزيد الوسمي)

الأمل بكره

يضيق صدري وأقول ان الأمل بكره
واللي خلق هالبشر ما هو مخليها
محتاج لوجيه ما تحقد ولا تكره
والا القلوب الله اعلم في خوافيها!
(ناصر بن دهيم)

اللي على الفطرة

اللي على الفطرة وصافي مع الناس
في هالزمن محسوب دقة قديمة
واللي على غرّات الاجواد بلاّس
يلقى من الغادين حشمة وقيمة
(يوسف غالب العضيلة)

الطيش

الطيش أن تعمل ما تشتهي
وقد يساوي النفع فيه الضرر
والحزم أن تحذر ما تتقي
وقلما يغنيك فيه الحذر
(عباس محمود العقاد)

شخوص وأشكال

رأيتُ خيال الظل أعظم عِبرةٍ
لمن كان في أوج الحقيقة راقي
شخوصٌ وأشكالٌ تمرُّ وتنقضي
وتفنى جميعاً والمحرّك باقي
(ابن الجوزي)

الاقناع

عز الله أن آخر هوى النفس الاقناع
مهما يكون النصح والعذل واللوم
لا واهني بعض العرب يكبر بساع
ويزوّد علوم ويزتاد بعلوم
(سعد بن جدلان)