أبيات بواسطة حمد

كف كفه

كف كفه عن وصالي وكفيت
كل كفٍ صاح يبغى كفوفه
كل ماجتني طواريه صديت
لو عيوني في جفوني تشوفه
(حمد الحربي)

راحوا ورحنا ..

راحوا ورحنا ماتبعنا المقفين
لو ان روحتهم علينا صعيبة
لكن من يرضى على نفسه الشين
يتبع ثرى المقفين في كل غيبه
(حمد الحربي)

صوت لك

‏صوت لك غير مالقيت للصوت بال
واقفيت ماكنك ياسيد العرب تسمعه
لا دق صدري غلاك وحار دمعي وسال
لاتلومني ما بقالي حاجةً تردعه
حبل الرجاوي على كف الوفاء والوصال
أدخل على الله من صدتك لا تقطعه
يا خيك حمل الهوى يكسر ظهور الجمال
ضاقت علي ارض ربي وارض ربي سعه
تعال ياجعلني فدوة عيونك تعال
الناس واجد لكن ماله بغيرك معه!
كثر التغلي وعذال الهوى والليال
تشتت الشمل مهما كان..ما تجمعه!
(علي معيض الغياثين)

ماهو بكيفك

ماهو بكيفك تواصلني و تقطعني
اما غلا بينا أو فضها سيره
ياشين لاجيت تقطع لاتوادعني
ليتك تحس الوداع شلون تأثيره!
(حمد السعيد)

ظلالي

وش فايدة قربه وكنه ظلالي
دايم معي لكن عجزت استضله
(ضيدان المريخي)