أبيات بواسطة خالد الجوفاني

النفس طابت

أرضيت بي ناسك وانا وين وش جاب
انا خسرت الناس من شان ما اخسرك
ماتت بي الشرهة ولا باقي عتاب
حتى المدامع تبتسم غصب تشكرك
اللي يسلم راحته بين الأنياب
ذنبه على جنبه ولو تفركه فرك
النفس طابت لكن الجرح ماطاب
لو ماذكرتك يكفي الجرح يذكرك
(مشاري البواريد)

طولت بالي

خلاص نقطعها من اليوم مابيك
لا كيف حالك أنت .. لا كيف حالي
الله يبعد عن دروبي خطاويك
و الله يغني عن جوابك سؤالي
طولت بالي بس مليت اداريك
مليت من صدك ولو طال بالي
من يحتمل جورك وسطوة مباديك
حتى الشمالي .. ضاق صدر الشمالي
(مشاري البواريد)

الجنازة

تدري متى العبرة تجي غيض وتحير؟
و أحسها بحلقي سواة القزازة
لا جيت تنشدني عن الحال ونصير
مثل القتيل وقاتله بالجنازة
(مشاري البواريد)

ثاير الشوق

يقبل و أحس بثاير الشوق ساكن
بعيونه اللي تنكسر خوف ويروح
وده يبيّح سد الآهات لكن
حال الخجل بين التناهيد والبوح
(مشاري البواريد)