أبيات بواسطة أحمد الخالدي

عطني سما

جاك الظلام وجـاك ربع ومسايير
وجاني الظلام وكل ما احب راحي
علمي بنور الشمس وقت المعاذير
قال الوداع وقلت دربك سماحي
كان الالم.. غيثٍ فدمعي محادير
وكان الندم سيلٍ فخدي بطاحي
تقول خل الهم واكفخ كما الطير
عطني سما ياخوك والوي جناحي
(بدر بن عبدالمحسن)

اللوعه

ياللي نسيت الزمن وقلوبنا تعده
كم ليلةٍ غبت والهاجوس يلعب بي
يسيل قلبي على الخدين .. وارده
خبرت قلبٍ من اللوعات ينحبي
وان قلت لا بد يبرد زادت الشده
شقيت انا منك والشكوى على ربي
يا من يغيب القمر لا من ظهر خده
الزين زينك وانا كثر الوله ذنبي
من عانق السيف لازم يجرحه خده
ومن يعشق الجمر فيه النار تشتبي
( بدر بن عبدالمحسن)

ياوجودي

ياوجودي كل ماهب نسناس الشمال
وجد من حدّه زمانه على اللي ما يبيه
وياوجودي كل مااغفيت ثم مال الظلال
لاغفت عيني ولاذقت شيٍ مشتهيه
وجد من قفى وهو في رجا كلمة تعال
والتفت من عقب مااقفى ولحداً لدّ فيه!
(ضيدان بن قضعان)

جمعت حبك بخياش

جمعت حبك في كراتين وخياش
والزود عندي حاشرة في قواطي
(غير معروف)

حبك عمارة

حبك بقلبي بانياً له عمارة
ومن زود حبك تحت العمارة دكاكين
(غير معروف)