أبيات بواسطة الصبياني

سلسبيل من شفاتة

الله اللي حط عشقه بقلبي وازرعه
لو سكت ينطق له الصم والدنيا تسيل
وان حكى لو يمشي المزن يوقف يسمعه
سلسبيلٍ من شفاته يخالط سلسبيل
معمعه بسكات واحلى سكات بمعمعه
ما هقيت ان أكثر الليل يمرح بالجديل
لين شفته شوف عيني بكفه يرفعه
وإن حييت وما بقى لي معه كود ليل
لاسهره بأول غروبه واموت بمطلعه
(حامد زيد)

عندك المكياج

ابـدويٍ ما يقوده للردّى شد الحبال
يعسف اليـدّ الشحيحـة للعطا حتى تلين
همنا فعل الرجولـة.. رمزنا لبس العقال
وانتي المكياج كله صار فـي وجهـك سجيـن
عندك المكياج موضـة تحسبيـن إنـه جمال
صار همك في حياتك تكشخين وتطلعين
والا أنا قلبي بقى لي بالمحبـة راس مال
والله اللي مبتليني بالهوى والله يعين
(حامد زيد)

لو يعرف

مـاتقبلت الفراق ولا ليدي فيه حـيلة
آه لو ان الظروف المقبلة تكشف قدرها
لويعرف الشخص منا وش مع الغيب بيجيله
كان جنبنا المشاكل مـن قبل يوقع ضررها
ماهقيت الليله اللي جابت الفرقا طويلة
لين صارت ليلة امس بعيني اطول من شهرها
(حامد زيد)

دور مكاني

اذا طلع لك قلب وعرفت تشتاق
تعال دورني ودور مكاني
واذا كان باقي في منامة ولافاق
خلة الى ان يفوق مع جرح ثاني
(غير معروف)

أنا

انا جيت اعشقك نبض ومشاعر ما اعشقك تمثال
انا جيت اسكنك واحياك وابقى فيك وابقى لك
انا جيت اب ظمى عاشق تعب يطرد سراب اللال
انا جيت استفز رضاك مـن فرقاك والجا لك
انا ما همت بك عاقل انا كنت اعشقـك بخبال
انا ما كنت احبك حي انا كنت اعشقك هالك
(حامد زيد)

سمعت بطاري

ابد والله سمعت بطاري عيونك وجيت أغليك
يقول القلب سلملي علية ويطلب وصالك
حبيبي وش تقول بعاشق قصة غرامة فيك
نسا الدنيا ومن فيها وجا ينشد عن احوالك
(منادي)

كلي

عيني وقلبي وعقلي يحبونك
وان بغيت الحقيقة كلي احبك
عاشقك..عاشق اوصافك ومجنوك
في الزعل والرضا قلبي على قلبك
اوعدك ماجرح احساسك ولا اخونك
كيف بفرح بغيرك..والفرح قربك
مع نسايم عبيرك مالت غصونك
ومالت النفس معك وسرت بدربك
(منادي)

فرشي

من زود حبك مايجي عيني النوم
ومن كثر ما اسهر ..باعوا اهلي فراشي
(غير معروف)

أنا غبي

الحب مثل الشقى مايلزمه خبره
ولايلعب.. إلا ذكي بالغلا داري
وأناغبي أحب الكل بالفطره
كلن لبس من غلاي وأنا وحدي العاري
(غير معروف)

الشوق

ولع رماد الشوق يامعذبي نار
من كان يحلم باشتعال الرمادي
ما كنت احسب انه يكون اللقا حار
لين التقينا واشبكتنا الايادي
(مساعد الرشيدي)

12