أبيات بواسطة الزوقري

ابي وحده

أنا ما ابي جسد عاري متى ما عاز يطلبني
ولا برضى اكون ابيوم اراقوز(ن) يسليها
ابي وحده عريبة اصل بها الاقدار تجمعني
رفيعة قدر..عريضة صدر..مثل البدر اياديها
(ابراهيم العسيري)

فديت صوتك

الشوق طاغي والمشاعر رقيقه
والحب مره باعني واشتراني
يافرحة القلب الحزين ورفيقه
فديت صوتك يوم صوتك دعاني
ياعمري لامنك بغيت الحقيقه
الواقع اللي جابني لك خذاني
البعد لو اقدر اعيشه واطيقه
ماشفتني قدام وجهك اعاني
(عطالله فرحان)

ياشينك

العين والحاجب ولمعة جبينك
والخد والبسمه ورفعت قوامك
والكيف واللفته ولمسة يدينك
والجيد والمشيه وخافي لثامك
اليا نشدوني قلت عنك ياشينك
اخاف لايدرون عني اعمامك
(رعد بن عبدالله)

غدرك

ماتاقف الدنيا على حب رجال
ولا ينتهي عمري ضحيه لغدرك
اهديت لك روحي وعمري والامال
ضيعت عمري ضيع الله عمرك
(العنود)

الشمس وصتني عليك

يعني اموت من الغلا عشان ابين لك غلاك
والا عشان احلى بشر تبيني لعبه في يديك
الله يرحم والدينك لاتسولف عن حلاك
الشمس قبلك سولفت عنك ووصتني عليك
(عطالله فرحان)

احس انك ظلالي

لابغيت في يوم تسوي فيني معروف وجماله
ياتجي كلك معايا يا تخليني بحالي
حبه حبه انت ظالم والهوى يبغي عداله
خلنا نطلع من الواقع على الجو الخيالي
انت عمرك شفت واحد يسولف مع ظلاله؟
هذا انا وكثر ما اشعر فيك احس انك ظلالي
(عطالله فرحان)

تعبت

تعبت اعديها على خير واعذرك
وافتح معك كل يوم صفحه جديده
ماهو عشان الناس كله لخاطرك
سويت منك السالفه والقصيده
حاولت اعدل في مزاجك واغيرك
عشان اطلع منك جمله مفيده
(عطالله فرحان)

سولفت للغيم

سولفت للغيم بعض اللي تحملته
لجت بروقه بصدره.. ضيق من حالي
قلت القليل وكثير اهملت ما قلته
واشوفه ارخى جفونه يبكي قبالي
هذا وانا راحمه ومطوف اسئلته
وشلون لو جبت قصة مي بالتالي
(نواف التركي)

ماتشوف شر

لابأس انا يالغاليه قلتها لك
من قلب يخلص لك يحبك ويغليك
ياليتني كنت المنوم بدالك
وليت المرض يا بنت فيني ولا فيك
(حامد زيد)

لولا العقل

استحيت ورحت بالخطوه وراي
يوم شفته من بعيد يكلمك
والله ان لولا العقل توه معاي
كنت اعرف اعلمه واعلمك
(حامد زيد)

123الأخير ›