أبيات بواسطة المهاجر

باقي اسبوع

باقي اسبوع وادخل الدوره
وانا ماجهزت بدله وسروال
بالامس اطارد ورى الكوره
واليوم الله عليمن بالحال
(غير معروف)

الضب الاسطوره

الله من ضب ٍ لقيته وانا ارميه
ضب ٍ كبير وعكرته حول مترين
ثلاث طلقات ٍ على الراس معطيه
مامات حتى فيه فرغّت مشطين
ضب ٍ من الربله كبار ٍ علابيه
جحره كبير ٍياعرب بين خطين
كل العرب تسمع بذكره وطاريه
واظن عمره زايد ٍ فوق تسعين
بلشت في شيله وازريت اذكيه
عرد اللحم دقّم عليّ السكاكين
ماينشوي بالنار لو جيت ابشويه
ولاينطبخ بالقدر لو يقعد اسنين
وقفت افكر يابدر وين اوديه
مصيبة ٍ ياناس.. يشبع هل الصين
اثره تمساح ٍ وانا غادي ٍ فيه
امه مكون وجده العود تنين
(غريب عفيف)

النامس

ياليتني نامس واقرصك لانمت
وامص دمك يالغضي مص سن توب
أقرصك بالليل وانحاش لاقمت
وليا رجعت لنومك اجيك ماتوب
ازن فإذنك زن ما حاصل ٍ صمت
واجر موالي على كل مسحوب
مقدر على بعدك على دمك ادمنت
انا اشهد انه عندي الذ مشروب
(غريب عفيف)

ياليتني نامس

يا ليتني نامس واقرصك لا نمت
وأمص دمك ياالغضي مص سن توب
(غير معروف)