أبيات بواسطة بدر

حيل رايق

ياتجيني وخاطرك حيل رايق
والا بلاش من العتب والمشاريه
(فهد عبدالله الماضي)

ذب الميانه

اللي لياشافك ضحك ! وانت خاسره!
اعرف ترا ميت عليك و ذب الميانه
(فهد عبدالله الماضي)

اي والله

اي والله اني احبك واعشقك واغليك
وزود(ن) على كل هذا شوفتك راحه
(فهد الماضي)

شوفة عيونك..

تدري وش اللي يبعد الهم عني
صلاة ربي ورضاه وشوفة عيونك
(فهد الماضي)

ابي قلب..

ابي قلب
لا ضاقت بي الدنيا
التجي له
وابي فكر
لا ضاعت دروبي
يدلني
وابي روح
يشعل شموع ذاتي
وانحني له
وابي جبل
لا كثرة اهل النمايم
يلمني
(فهد الماضي)

حضرة سموك

سلام ياشيخ ياكاسب قلوب البشر
اللي تحت رايتك تفدي لك ارواحها
يمناك هذي تقل غيمه وراها مطر
ويسراك تغفر خطايا الناس بانواعها
حتى مقامك يهز اهرام جيزة مصر
زيزوم ونظرتك تطفي شر اجوائها
حتى حديثك يحسب له مكان ومقر
لجل المعرفه تفيد ويعم زوارها
هيبتك هيبه وعزك عز وكلي فخر
اكتب لحضرة سموك اسم عنوانها
(فهد عبدالله الماضي)

شف هالصوره تنادينا

تعال ماباق من العمر كثر ما راح

تعال نجدد الحاضر ونعيد ماضينا

تعال خل الهموم اللي بيننا تنزاح

تعال دام الفرح يشفع له امانينا

تعال كنك من هل البيت مضواح

تعال نوخ افكارك وسجل معانينا

تعال فرج شعور(ن)بالهواء يجتاح

تعال بين للبشر وش هي اغانينا

تعال ناظراللي كتبته الم وجراح

تعال قرب شف هالصوره تنادينا 

(فهد الماضي)

والذيب يصبر لحريبه

اجرح وسو اللي في راسك تسويه
كثر الجروح تعطي للمجروح هيبه
لو هو سهل كان تمسك يديه وتلويه
لكن صعب والذيب يصبر لحريبه
(فهد الماضي)

لو مذهبه سيخ

لا ضاق خلقك وشفت منهو يداريك
بلغ سلامي له ولو مذهبه سيخ
بعض الرفاقه تنتخي بك وتجاريك
والبعض الآخر عرفهم لك توصيخ
احرص على الطيب وخله يباريك
وابعد عن الخايب لوكان ولد شيخ
(فهد الماضي)

زيدان

ان كان قلبك مايلاً للبرازيل
قلبي قبل زيدان عشقه فرنسي
(فهد الماضي)

12