أبيات بواسطة بنت العجمان

علمها

علمها كم لي وأنا ماشلت جوالي
كله على عشـان ماأقلـب رسايلهـا
علمها وشلون لامـرت علـى بالي
أروح وأضـم صورتهـا وأقبلهـا
وعلمها كيف أنشغل عن كثرة أشغالي
واسرح وأغمـض عيوني وأتخيلهـا
(فهد المساعد)

نسيتني

نسيتني .. علمني شلون ابنسـاك
في هالزمن نسيان الاحباب عـادي
وشلون لامرت على البال ذكـراك
وطيفك سرق مني لذيذ الرقادي
وشلون لا قالوا لي الناس وش جـاك
من كنت في لذة منامك تنادي؟!!
وشلون اعيش اللـي بقالي بلياك
لا من غدينا كل واحـد.. بـوادي
(متعب التركي )

تصدقين

تصدقين اني عرفت السالفة قبل تحكين
لكن تصنعت الرضا لين تحكين السالفه
جيتي وبعيونك قريت انك نويتي ترحلين
كنك على نقض الجروح اللي تشافت حالفه
فعلا قدرتي نقضها والله على الفرقا يعين
قلب الحنين اللي معك حظ الشقا ما حالفه
ما عاد باقي للغلا دمعـه ولا للدمع عين
نضحك على انفسنا اذا قلنا الظروف مصالفه
(رشيد الدهام)

دعوات عرسك

وزعو دعـوات عرسـك علـى كـل القرايـب
وحددو ليلة زفافـك عقـب سبعة ليالي
يا كبر صدمة عيوني! .. ويا كثـر الذهايـب
ويا كبر حجم الخسـاره ! ويـا كثر انشغالي
أشهـد ان فوايد العالم ؟ لعالم مصـايب ؟
واه .. ياحر المدامع لاجـت بفـراق غـالي
كنهـم؟ فـي وقتهـا! علقـوا فوقـي نصايـب
أخفي الصدمه عن الناس واضحك من هبالي !
مادروا شلي بصـدري ؟ مـن سموم اللهايـب ؟
ومادريت أنـي معاهـم؟ واحسـب أني لحالي ؟
(سعود بن مهدي )

الرساله

اضحـك واداري عباد الله واجاملهـا
والله علـى نعمـة الكتمـان قـاردني
دورت بالخلق ؟ ضايعهـا وعاقلهـا
ولا لقيت اللي لامـن تهـت يرشدنـي
حتى اللي ! بديته مـن الناس بأكملهـا
راح وغدربي ؟ ولاكـنه معاهـدنـي
مافيه احـد يحفـظ العشـره ويبجلها؟
هـذي الحقيقـه..وشكـي مايراودنـي
(سعود بن مهدي )

قلبك خفيف

لاصار عقلك ثقيل.. وصار قلبك خفيف)
عزالله إبتبتلـش ...وإتضيع فالمعمعـه
ولاصار صاحبكْ.. دلوع.. وجميل.. وعفيف
خل العقل يسكت وقلبك .. تفاهـم معـه!
(فهيد ابن عصيدان)

مابيـك تكرهنـي .. ولاتحـب غيـري

ابكي ! احب ! اشتاق ! طيب وبعدين؟
بكره مع الايام بفقد عشيري
من طيبتي..بين البشر صرت مسكين
الطيب ضـاع ..وكثر الله خـيري
اجرح..وانا بقول لجروحك اهلين
يا اغلى مسايير ٍ لقوا فـي ضميري
اسمع وصاتي قبـل لاتدمع العين
لا اعلنت عـن دنيا المحبه مسيري
اذا تفارقنا..ابي منك شيين
مابيك تكرهني..ولاتحـب غيري
(سعود بن مهدي)


حبيبي

حبيبي كل مافيني من احساس الغرام يميل
مثل غصنٍ ثنته الريح ومال ومال واتعبني
تخور الذاكره واشبك حروف اسمك مع التبجيل
واتمتم في حروف اسمك حبيبي لا تعذبني
واحس بصدق نبضاتك قريبه من خفوقي حيل
واليا منها اختفت نبضه من النبضات ترعبني
تبعثرني ولاابالغ انا اتبعثر مـن التسبيل
بمعنى اصح ابعلنها..ابدويها..تذوبني
(الراسيه)

مفاهيم العلاقه

ان لقيت انسان مثلي مايخون الود حبه
وقتها؟ بتعرف قيمة من تهاونت بفراقه
كل جرح ٍ من فراقك لانويت اجيب طبه
بذكر أنك كنت غالي؟ وكنت للقلب اشتياقه
اخذ مني قاعـده صارت بفكر العقل قبـه
واخذها مني قناعه في مفاهيـم العلاقه
ممكن!بيوم الصداقه تكبر وتصبح محبه
بس لا يمكن؟ بيوم الحب يتحول صداقه
(سعود بن مهدي)