أبيات بواسطة بو قحطان الزوقري

صباح الخير

كلمة صباح الخير بغيابك
تشبه صباح الهم والحيره
ياضي عيني مااقصد عتابك
لكن ذبحني الشوق والغيره
(عبدالرحمن الرويس)

ليتك او ليتني

ليتك عقب ما غبت غيبت اشتياقي والحنين
او ليتني ما قد دفعت احلام عمري لك مهر
(محمد جار الله السهلي)

القايد حمد

من جاسم الأول إلى القايد حمد
وقطر ثراها العز والمجد التليد
عرينها من دونها الليث الأسد
اللي من الحكمه مسكها من حديد
أميرها من عزته عز البلد
مشيدٍ بنك التجاره والرصيد
قد امدحوه وقد شهد من شهد
قامةٍ ما تنصفها المدايح والقصيد
(محمد مريبد العازمي)

مقاسات البشر

تقدم الدنيا لنا درس ٍ جديد بكل يوم
والناس تسلم من غثا الدنيا بحفظ دروسها
وعلى حسب حفظ المواجيب وتعاليم السلوم
نعرف مقاسات البشر بالمرجله ونقوسها
(محمد جار الله السهلي)

مثل الحريم

صيت الرجال الوافيه بافعالها والا الرخوم
ينبيك عنها قل نفعها وشين نفوسها
تطرد ورى الدنيا وتكشخ بالمواتر والهدوم
مثل الحريم اغلب دراهمها على ملبوسها
(محمد جارالله السهلي)

نويت انساك

يعلم الله في غيابك ما تناسيتك
بس في مره نويت انساك ماامداني
قلت ابنسى وارتفع صوتك ولبيتك
واثر خفاقي بصوتك عنك ناداني
ويش اسوي دامني بالجوف ربيتك
طفل تسوى الحياه بعين شرياني
(محمد جار الله السهلي)

أصعب سؤال

أصعب سؤال اللي جوابه للأسف مثله سؤال
ما هو تفلسف الا موقف صار واسمع ثاني بيت
البارحه يومه سأل وش ذكرك ذيك الليال
كان الجواب بكل بساطه من متى اصلا نسيت
(محمد جار الله السهلي)

عثرت باهدابك

في موعد عيونك حضرت وتدفقت
كان الرجا مغرور والياس تافه
عثرت باهدابك وطحت وتشققت
وانا اتمادى في اختصار المسافه
وش قيمتك يا حلم لامن تحققت
واصبحت واقع ممتلي بالسخافه
(محمد عبدالله الاسمري)

ازمة اكفان

طول ثيابك واكره الطول لو زان
مهو عشان الطول يعطيك رزه
الا لان السوق فيه ازمة اكفان
جميع الاكفان ارسلت لاهل غزه
الموت واحد ما اختلف حوله اثنان
لكن موت المعركه فيه عزه
(طالب الذبياني)