أبيات بواسطة بيارق الطائف

بنت الغرايز

المسا دافي وكايف في حضن بنت الغرايز
تمتهن مهنه دنيه دربها درب حقير
ماعليها من صغار ومن شباب ومن عجايز
باعت العفه وكلش باعته حتى الضمير
ماحسبت للموت وايام المهالك والجنايز
يوم صفحات العمل تكشف على الجمع الغفير
كم وكم وحده عندها هالفعل جايز
مادرت إن العمر حتى ولو طول قصير
(نوض سدير)

بيت معزبك

هات سكر طلتك وإتفضل الشاهي
دام بيت معزبك هو بلأصل بيتك
مابيك الامر بقلبي ولا الناهي
بس أبي كل ماتحداني الزمن جيتك
(غير معروف)

انا من علمك

انا مابيك تسمعني وتجبر خاطري المكسور
ولاكن كنت أبي تبقى معاي بكل حالاتي
تبي ترحل عن أيامي ويجي غيري يعيش الدور
ألا ياصاحبي صعبة تعيش بغير لحضاتي
حبيبي ماقدرت أنسى وأنا لي في حياتك دور
أنا من علمك تعشق وعشت الحب في ذاتي
(نواف الدخيل)

لوح تابوت

كنت لي المركب وكنت النجاتي
انقذتني لاكن على لوح تابوت!
(طلال السعيد)

ماهقيت

ماسألتك ليه تخطي وإن خطيت
ماسألتك في خطاك البينه
دهشتي كانت لأني ماهقيت
سيفك بدم الجروح تزينه
العزا شلته قصيده وانثنيت
مع طريق(ن)من عرفتك مدمنه
(غير معروف)

حلم

كان حلمي في وجود إنسان يبكي لابكيت
وصار حلمي في وجود إنسان يفرح لافرحت
خذني بحضنك ابغفي ياه مبطي ماغفيت
وإن لمحت دموع عيني سو نفسك مالمحت
خذني بحضنك وبعثر في جروحي وإن قضيت
هزلي كتفي وقلي عيب تبكي لو سمحت
(فهد المساعد)

جروحي المزمنه

ياصديقي هاك صدري وإن لقيت
به مكانن يحمل الطعنه إطعنه
من عرفتك من طعونك ماشكيت
سهمك الطايش ارده واحضنه
كل خوفي من طعونن ماتميت
بس تحفر في جروحي المزمنه
(غير معروف)

شبيه البليد

ماعاد يغريني القمر ليلة النصف
عادي طلع وإلا تحجبه سحابه
من يوم راح إلي فلا شفتله وصف
صارت معي كل الليالي تشابه
مثل البليد اللي جلس بااخر الصف
ماشال هم الإسئله والإجابه
(خالد مدعث الدوسري)

الصاحب الخبل

لي صاحبآ منه تبي تطلع الروح
خبلآ ومنهي مولعه فيه خبله
عامين ابين له مع الجد ومزوح
وأقول ياعنتر تناديك عبله
طال المدى ثم قلت أنا أغليك يالوح
مجروحه جرح مخاطره عجله
دنق وقال انابعد من العام مجروح
وأشر لجرحآ مبطيآ وسط رجله
(عابرة سبيل)