أبيات بواسطة ريما

الصباح..

كئيب الصباح اللي يذكرك بالغيّاب
ويكرر عليك وجيه .. دايم تطالعها
صباحك ليا من صار دايم بدون احباب
مثل سالفة تنقال لك .. وانت سامعها
(سامي العرفج)

خصر المفارق

من كثر ما بالكلام .. العين غرقى
حطت ايديها على خصر المفارق
انتي اقفيتي وانا .. مليان فرقى
وش يضر البحر لا من صار غارق
(سامي العرفج)

اشلاء ذاكرتي

افكر بك ..وعيني الثالثه تسمعك
ياصوت النور بين اشلاء ذاكرتي
اغمض ..ما ابي اتخيل اني معك
انا اغمض عشان ألقى .. مخيلتي
(سامي العرفج)

بيت الود

هو يا انا غلطان يا انت غلطان
او ان بيت الود ماعاد بيتك
اجيك متعومس ومرهق وتعبان
وارد منّك مثلني يوم جيتك
(سعد علوش)

زمزم ..

كيف اعدد ذالجمال وذالصفات ؟
والكلام يتوه فاغلى أمنيّه
فرقها عن باقي أنواع البنات
فرق زمزم عن ميّاه التعبيّه !
(جابر علوش)

صدور الخلايق

اللي شهيقه ما درى عن زفيره
لا يحسب إن هموم صدره مذاخير
لو كانت صدور الخلايق ستيره
ما خانت وجيه الرجال التعابير
(سامي العرفج)

سيرة الاحباب

ما بقى الا سيرة الاحباب يا كتاب الحنين
خلني ابلل ابهامي واشوف وجيههم
خلني انفض عيوني من تراجيد السنين
جعلي افدا كل ما ضاقت علي .. سنينهم
(سامي العرفج)

سجون الخرف

يااإلهي روحي الولهى لها
في سجون الخوف شي من اللهو
نصفها لعنة غواية من سها
ونصفها غرقان في سجدة سهو
(عبدالله الكايد)

قربك وبعدك

قربك ماهو جنّة وبعدك ماهو نار
مير إستريح وخلّ عنك الطواري
إن جيت مثل الناس وإن رحت الأعذار
لو يلبسن يبقن بعيني عواري
(نواف التركي)

ان طلب عيني

إن طلب عيني رضا قلت ماغيره نظير
وأن شرب دمي غضب قلت يستاهل فمه
وا هنيه يرقد الليل مرقاد الغرير
كن نومه لابغى يهزم الجفن هزمه
لو صحيح إن الحبيبين يجمعهم مصير
كان نفس اللي حرمني من النوم حرمه
(حامد زيد)

12