أبيات بواسطة زبدهـ

مفاهيم مختلطه

اثبت لك اكبر دليل ان الزمن جاحد
وإن المفاهيم عند الناس مختلطه
أفعالنا الصح يلغيها غلط واحد
وأفعالنا الصح ماتلغي ولا غلطه!
(ماجد النصيف)

اضحكي

أضحكي ما تشبهين الا المرايا
وإن طلبتي أحلف والله ثم والله
إنك أجمل من عرفته في البرايا
وإنك أغلى من مشى في الكون كله
وإنك آللي ضحكتك عطر وهدايا
من يضيع بدربها محداً يدله
صوتك لحاله مسوي بي سوايا
بحته تقطع قلوب مسفهله
كل ما ظنيتي إنك بالحنايا
أفرحي يا بنت ظنك في محله
(فلاح السبيعي)

المراجل

تبنى المراجل يا حمد لو قلت هذا ما اكبره!
داخل عيونه يا حمد بنتٍ قوي باسها
وهدم المراجل يا حمد لو قلت هذا ما اصغره!
داخل عيونه يا حمد بنتٍ و هدت ساسها
الأرض تشربنا جسد والحلم برا المقبره
الأرض جينا بلبسها باكر نرد لباسها
(سالم سيّار)

البنت من رجالها

البنت من رجالها والخيل من خيّالها
والضبعة العرجا تحوم تبي عشا لعيالها
هذا من الشعر القديم ما قالها عبد الكريم
امثال من قول البدو مدري من اللي قالها
(عبدالكريم الجباري الشمري)

عرب وليدك

عرّب وليدك عرّبه
النار من مقباسها
بنت الردي لا تاخذه
لو هو طويلٍ راسها
العزّ باوراك النسا
اللي عريبٍ ساسها
والجري في ربع النضا
والخيل في أسداسها
(غير معروف)

عطني يدك

عطني يدك ..اشتقتها
لو تدري كيف احتجتها
احتجتها وعييت اقول!
وان قلت .. خالفني الكلام!
خايف علي من قسوتك
يا قوتك!
(زياد بن فهد)