أبيات بواسطة سراب

الحب لعبة ..

بعض الاوادم يحسب الحب لعبه
ومشاعره تلعب سواة المراجيح
في كل يوماً له حبيباً يحبه
تمشي احاسيسه ورى هبة الريح
(غير معروف)

ادور الكايد

جرح الرفيق اليا حصل ماله ضماد
والا الجروح الباقيه وقت وتطيب
مبداي.. ابد فالصدر ماشيل الاحقاد
واليا زعلت اجنب الدرب تجنيب
ادور الكايد واجيبه ولو كاد
واحفظ قدم رجلي عن الشين والعيب
وان كان قصر صاحبي قلت وش عاد
دام المراجل تحضر اوقات واتغيب
(ناصر بن فيصل أبو ثنين)

الحقد

الادمي لو شال من قلبه الحقد
تصير في عينه حياته سعاده
لايشغله البعد والهم والفقد
ما دام مايفقد سلاح الاراده
(ناصر بن فيصل أبوثنين)

أحبك

أحبك!! يا أول من كنتي .. و يا آخر من صرتي
أحبك!!
كثر حبي لكرهك أحبك .. كثر كرهي لحبك أحبك
أحبك!!
(فيصل الشريدة)

أنا المهلك

لولا عنادي جيتك عطشان أبي ضميه
لكن المبادي ساميه والعمر آخره الفنى
(فيصل الشريدة)

اتعس الخلق

أتعس الخلق من يرجي هواك
ما أضيع النبض في قلب الصنم
(غير معروف)