أبيات بواسطة سعد السياف

شتاتي..

تبي ترحل انا راضي اعيش الدنيا من دونك
اعيش الجرح والحسره والملم باقي اوراقي
شتاتي مالقى حرف ٍ يهز الشوق بغصونك
عشقت ولا لقيت الا غياب ٍ يحرق اشواقي
(سعد السياف)

سكر الكذبة

مابين مر الحقيقه وسكر الكذبه
ذابت شموع الصراحه في ليالينا
يادنيا راحت معاني حبنا العذبه
طارت طيور المحبه عن موانينا
ارهقت نفسي وذقت المر من حبه
عيت حروف الغلا ترسم خطاوينا
(سعد السياف)

أرحل

أرحل وخل الجروح الساكنه تشكي
مر الليالي وحزن الورد لأهدابك
ناظر زوايا المكان وحلمي المبكي
يمكن يحن الحنين وتذكر أحبابك
ازهار عمري على جال الأمل تبكي
وطيور عشقي ذبحها الشوق لترابك
يامحرق سنين عمري ليه ماتحكي
مستخسر الفرحه تضوي ظلمة غيابك ؟
(سعد السياف)