أبيات بواسطة سكة أغراب

نار الشوق

لاتظن فغيابك نار الشوق تحرقني
دموعي طفت مابقالك من اشواق
(بوح العيون)

ماهمني

ماهمني لو ضاق كوني ومافيه
الموت لامن ضاق بي صدر غالي
طاح الجمل و اللي بدا الطعن ينهيه
رغم إن مابه للخناجر مجالي
بالرغم من غدر الغضي و تجنّيه
بابقى أنا الي ما تغيّر خصالي
و باجيه ماهوب ضعف قصدي أعزيه
لأنه بيبطي ما لقا له بدالي
(ثامر الشعيفان)

احبك

أحبك طفل ٍ أعمى قاضب ٍ ثوبك يخاف يضيع
وأحبك شايب ٍ قرب يمـوت بغيبـة عيالـه
(عبد المحسن بن سعيد)

جرح ابكم

انا بجوفي جرح ابكم للحكي شفقان
أكابر..بس روحي اتفه الأسباب تبكيها
(غير معروف)

رحلة شقا

يايمه لو تخبـِّين العنا..هذا البخت مكشوف
وانا من قبل لا أولد..عرفت اللي تخبينه
وانا اذكر يوم قلتي لي طريقك بالشقا محفوف
ولكني نسيت اني (وانا اضحك) قلت : ماشينه
ولو يمه تعذبت و صِفقـْني هالزمان ْ كفوف
انا ادري توّني ما ذقـْت ربع اللي تذوقينه
طبيعي من مرارة حاضري..مستقبلي معروف
ولكنه يصير احلى حلى دامك تعيشينه
(عبير بنت أحمد)



من حضرتك ؟

سو اللي براسك ولاتذكر اسباب
لاصرت بايعني توكل على الله
مابيني وبينك مشاريه وعتاب
شف دربك الي جيت منه تدله
ماراح تغلبني لو الحب غلاب
من حضرتك عشان قلبي تذله
رح واعتبرني واحد اذنب وتاب
ماني بثوب تلبسه ثم تمله
مايجتمع بالحب صادق وكذاب
رزقي على الله وانت رزقك على الله
(الشاطئ الأخير)

غربة بلا عنوان

جميع الذكريات اللي غدت في قفرة النسيان
يحاكي حلوها عبره بموق العين سبّاحه
خذتني غربةٍ عنوانها غربه بلا عنوان
ابي عقب التعب راحه لقى فيني التعب راحه
وروح ٍ تايبه كانت تبي لذنوبها غفران
خطاي انّي كتمت اسرارها بعيون بواحه
انا يمـّه غلطت ولاني اول واحـدٍ غلطان
ابونا آدم من الجنه خرج باسباب تفاحه
(محمد الدحيمي)


انا المحب

انا المحب ومهجتي لا تنثني
عن وجدها وهيامها بمحمدِ
قد لامني فيه الجهول ولو درى
معنى الهيام به لكان مساعدي
(غير معروف)

يا ليتني

يا ليتني كنت فردا من صحابته
أو خادما عنده من أصغر الخدم
تجود بالدمع عيني حين أذكره
أما الفؤاد فللحوض العظيم ظمي
يا رب لا تحرمني من شفاعته
في موقف مفزع بالهول متسم
(ناصر الزهراني)

عيونك حكت لي

لولا عيونك حكت لي و انتهى التوضـيح
والرمش أكّـد و صوتك رقـّت لحونه
مشتاق؟ مثلي وانا مثلك عليك آصيح
آودّ ودّك و روحي فيـك مفتونه
(محمد حميد المري)

123الأخير ›