أبيات بواسطة سلمان بن رازن

مشبعة في كل حاجة

مشبعة في كل حاجة يابو سعود
ما غير خصرً ذابحته النحافة
جديلها من فوق الامتان مفرود
وعلى الردوف النابيات التحافه
خذت من الشيهانة عيونها السود
وخذت من الظبي الجفول التفافه
(سلمان بن رازن)

على سلك الحرير آعصابه

لا تجيبون العلوم اللي تثير آعصابي
وانا رجالً على سلك الحرير آعصابه
جعل من يلعب ع الحبلين عند اصحابي
ما يلاقي مرحبا واهلين عند اصحابه
(سلمان بن رازن)