أبيات بواسطة سلمى

الصيف قرب

الصيف قرب واعذابي من الصيف
يبي يروح الزين ماعـاد ينشـاف
ياصيف ..لا تبعد قلوبٍ مواليف
ارفق ترى قلبي على جال ميهاف
في بحر حبه ما تفيد المجاديف
انشهد ان الدار لا غـاب تنعاف
(عبدالله عبدالعزيز العليوي)

أحباب

جاب الزمان أحباب وأبعد لي أحباب
وجاب لي مثلك عزيزٍ وغالي
ما أحدٍ لقلبي بالغلى والوفا طاب
إلا أنت ياللي صرت الأول وتالي
مايوم فيك الظن ياعزوتي خاب
ومايوم قلبي من جروحك شكالي
(سليمان السلامة)

خايف عليك

خايف عليك ومنك بالحيل خايف
عزي لقلبي يجمع الحب والخوف
خليت قلبي والشقاء بك ولايف
قلبي عمى وش عاد لو عيني تشوف
عمري قضى ماقلت لك واحسايف
عندي نهايه درب الاشواق معروف
جرحت قلبي يا عديم الوصايف
ماظن تشرح ما بقلبي لك حروف
قلبي لغيرك لو تغليت عايف
حبك ملك قلبي ونساني الخوف
(عبدالله بن عبد العزيز العليوي)

اكبر قهر

أفراحي بصدري قطيع أغنام عاشت في حصار
والهم ذيبٍ لاعماه الجوع حوّل لغنمي
يا امّ الخطا ماعاد ينفع للخطا ردّ إعتبار
وانتي خطاك عروقه بصدري وشوكه في فمي
أكثر هزيمه توجع الإنسان بعد الإنتصار
وأكبر قهر لاصار باللي يطعنونه يحتمي
(فيصل ال سواط النفيعي)

واحد مع واحد

واحد مع واحد يساويله اثنين
احيان يطلع ناتج الجمع واحد
واحد اذا كان المحبين وافين
واثنين لا حبيتلك شخص جاحد
(عبدالله الحويله)

محتاج لك

محتاج لك حيل والله يقطع الحاجه
حدتني وجيت اداري دمعة عيوني
وان قدر الله مع الايام نتواجه
تمر مثلك مثل ناسن يمروني
في عيوني تصير ماتسوا ولا حاجه
من عقب ماكنت تسوا الناس في عيوني
(ثامر شبيب)

المفارق

بجلس معك ساعه حبايب وعشاق
من بعدها كيفك ولو صـرت ضدي
ودي ألمك واحضنك حضنت عناق
ياشـيب عيني كل ماقلت ودي
في خاطري..وش خاطري؟ خاطري ضاق
الكون كله ضاق ماهو بقدي
(ثامر شبيب)

هو ما ربحني

ومن راح مني قلت ياعله مصيب
دورت له عذر كريم وعذرته
للي يبي بعدي انا ماني قريب
هوماربحني والا انا ماخسرته
قلبي خويي ما لقلبي معازيب
اللى حقرني من رداه احتقرته
رغم الجروح اللى بقلبي معاطيب
حبيت كفين الزمان وشكرته
(غيرمعروف)

المهرة

أنا ليا عدوا الفرّيس خيالي
سقم المعادي عدوه من يعاديني
ولا انت حدك اليا شاب اشهب اللالي
دورت لك عشةٍ ما تذري يديني
(حنين الشمال)

عشرون آذار

مات الضمير ومات القلب وانقطعت
عنه الدماء فلا نبض ولاعصب
واعار قومي لماذا لاحراك بهم!
كأنهم عندما حان الوغي خشب
خوفاً من الموت أم أسبابهم طمعاً
في العيش فليخسوا وليخسأ السبب
لا يغضبون عدواً بات يأمرهم
إن الرجال إذا ماأجبروا غضبوا
(عبد الرحمن الشمري)

123