أبيات بواسطة طلالكم

الغرام ..

وإذا اشتد الغرام..أترك خفوقي بين ناب وناب
لفرقىً تكسر ضلوعي .. ولا عشقٍ يوطّيني
(حامد زيد)

لين العود

قلبي غدا وإستيسره لين العود
ماحد ٍ يفك القلب ياسعود منها
ساطي وفي كفه قديحه وبارود
وأدخل يده بين الضلوع ودفنها
بيني وبينه وصل وأسرار وعهود
مصيونة ٍ ماتدري الناس عنها
في كل عام يزود حبه بعد زود
أقفي بروحي والتوى في رسنها
(خلف بن هذال العتيبي)

عطيني دقايق بوح

عطيني دقايق بوح واخذي سنين إعذاب
ترى في رقيق البوح تزهر بساتيني
عطيني أمل وارجيه دام الرجا ما خاب
عطيني شعور اني قريب ويكفيني
نعم ذكرياتي في غرامك بغير حساب
تمر السنين وحبي أكبر من سنيني!
(ماجد الشاوي)

غني الاخلاق

غني الأخلاق، له عند الأكارم مقر
النقص نقص الشيم والضعف ضعف النفوس
ماعندك فلوس؟ عادي لا تحسبه فقر
الفقر والله .. اذا ما عندك إلا الفلوس !
(فيصل العطاوي)

أعمى ..

وما انسَدّتِ الدنيا عليّ لضِيقها
ولكنَّ طَرفاً لا أراك بهِ أعمَى
(المتنبي)

يا معجبة

يامعجبة قفلي وانسي تليفوني
انا على خوتك ماعاد يمديني
ان كان لك في الهوا شوط ماراثوني
لي في اوله خطوة وحده وتكفيني
بيني وبينه يكون الله في عوني
مثل مابين اليهودي والفلسطيني
سميه حرب او ضياع او فلم كرتوني
لا الدم دمي ولا السكين سكيني
(فلاح القرقاح)

شريت ببكاي

من كثر ماضاقت من احبابي عيوني
ماعاد شفت الطريق اللي يوديني
شريت ببكاي ضحكتهم وبكوني
إلا احرقوا دم قلبي في شراييني
مروا علي مثل الاشباح وتعدوني
لا ضيعوا عقلي ولا غيروا ديني
صديت عنهم ورحت أمشي على هوني
وأن جيت أدورهم الله لا يحييني
من رخصهم لو من دموعي شحب لوني
مع كل دمعه يطيح أثنين من عيني
(فلاح القرقاح)

الرفقة

من نفعة اللي ماطلبني منافيع
جميلةٍ في غير اهلها ضياعي
فاسواقها ما عاد لاشري ولا ابيع
لخطيت من رفقة طويل الذراعي
اللي على الرفقه يسوقه دوافيع
هذاك تشرى رفقته ماتباعي
اما يشجعني على الطيب تشجيع
والا يعلمني حميد المساعي
والا ليامنه رمعني رواميع
وضاقت علي كل الفجوج الوساعي
جيته ويسرلي عسير المواضيع
وخلا خفايا خاطري له وساعي
(سعد بن جدلان)

البارحة

البارحه يوم الاوادم خواشيع
في نومها وانا على الكوع واعي
همٍ يمزع سترة القلب تمزيع
تقول ينهش ثومة القلب افاعي
خذت القلم من بين روس الاصابيع
وحبيت اميز سيرتي وانطباعي
عزلت من صدقان عطلة الاسابيع
وعزلت من ضحك الوجيه الصناعي
(سعد بن جدلان)

المحتاج

ويالله برزقٍ ما لاحد فيه منة
ينسي المحتاج وش كان محتاج
ويالله بمحتاجٍ ليا سِد عنه
يذكر موافقنا بدعوة وهو حاج
كنت احسب الناس للناس جنة
واثر القلوب لبعضها صالي الصاج
ووجهي اللي مالقى من يحنه
من منة العالم ومن بعض الاحراج
(فهد الصعيري)

123الأخير ›