أبيات بواسطة عبدالله

الخايب

الخايب اللي ماعرف سكة الطيب
ماهوب كفوٍ في المجالس يقَلط
جاهل ولا يدري بحقوق ومواجيب
دايم على ربعه عذابٍ مسلط
(عبدالله السهلي)

الطيب كايد

كلٍ يدسم شاربه فعل يمناه
والطيب كايد والرياجيل يرقون
ناسٍ على فعل الجمايل مربَاه
وناسٍ على فعل الرديه يربون
(عبدالله السهلي)

صدام

منهو ذبح صدام واخوه برزان
غير اليهود اللي على ارضنا تحوم
وين الذيابه ياشقى عمر الاخوان
ماعاد به ذيب ولا فزعة قروم
(عبدالله الزياد)

فقير

فقير والكل من حوله حقير
فقير وملبسه ماهو حرير
وياصاحبي قل وش يصير
لاعشت في الدنيا فقير
بتعيش مكسور الجناح
واذا انكسر هذا الجناح
ابسئلك تقدر تطير؟
(عبدالله الزياد)

دمعتين و اه

احط ايدي على راسي و انادي دمعتين وآه
ولا ألقى سوى صوت ٍ صداه مغربل احوالي
يقول ان الزمن ظالم واردد من وراه (الله)
كأنه دندن بأذني نغم وقتي وشقا حالي
وادورني ولا ألقى سوى شخص ٍ يبي دنياه
تغني له على نغمة سعاده مالها تالي
(الشريف مشاري العبدلي)

صفوة ألعابي

من يوم شفتك وانا طفل ٍ عشق وضعي
طفل يتغابى ويكسر صفوة ألعابي
طفل ٍ نهرته وضجة صيحته سمعي
ومن النكادة يبلل دمعه اثيابي
(الشريف مشاري العبدلي)

صرخة العز

يالعنبوا وقت ٍ غدينابه ابشوت
تنطح وتفضح باالمذمة وتنعس
واللي بقى من صرخة العز ياقوت
يوم الليالي لصرخة العز تخرس
(الشريف مشاري العبدلي)

اذلف تقلع

بليس يومني نخيته لقيته
والا انت يا ابن الكلب عني تخليت
هدمت قصرن في داخلي لك بنيته
اذلف تقلع مالك بداخلي بيت
غلطان لا تحسب ذراعي لويته
ولا تحسبنك غالي لا تغليت
(طلال النفيعي)

شفتك

شفتك مع اللي صار عقبي حبيبك
واحتارت العبره بعيني وصديت
ما ادري هي الصدفه بدربي تجيبك
ولا انا الي في دروبك تحريت
( عبدالله العليوي )