أبيات بواسطة عسل

تناقصوا ربعي..

تناقصوا ربعي على واحد اثنين
ايلين خلوني وحيد لحالي!
كانوا لي اقرب من ظلالي وهالحين
راحوا وزين انه بقالي ظلالي !
(سلطان بن عباس)

نحب المناكب..

كنا ولا زلنا نحب المناكب
ويادوب للعلم الجليل انتناوش
الغرب وصلوا للقمر والكواكب
وحنا على الفعل القديم انتهاوش
(الريم السبيعي)

انواع العلاقة..

معطفه غيمه وجاكيته حديقه
اه يامطول جفافي في فراقه
هو صديقي بس انا ماني صديقه
وهذا اجرم نوع فانواع العلاقه!
(سعد علوش)

اتركني لظلي..

اتركني الله لايهينك لظلي
الوِحدة تكبّر صغار العزايم
طعم الغياب اجمل خصوصاً مع اللي
لا طول الغيبات جاب الغنايم !
(ناصر بن فهيد)

مساء الحب

حبيبي قرب وامسح خفوقي شتت همومه
وافرش كفك لروحي تريد تنام باحضانه
أحبك آه من حبك يموتني ولا الومه
أهيم وأغرق بعذبه وأتبعثر بتحنانه
حبيبي يابعد روحي وعمري وعطر يشمومه
يا قصري وحاكمي واهلي وراسي وكل تيجانه
تعال نطير في عالم هوانا ونسكن اغيومه
تعال وامتزج فيني لقربك حيل ولهانه
فداك الكون يا كلي وبقايا روح محرومه
وكل الناس والدنيا وربيع العمر واغصانه
(ليلى الوحيمد)

اشتري عمري..

ولهان أنا بالحيل ولهان
خلَّيتي وقتي إنتِظار
الَّليل مَاهو ليل
ونهاري ماهو نهار
اشتِري عُمري اشتِريه
يا أمل أوله عليه
مِن عَرفتِك
وأنا ماعِندي سوالف إلا إنتي
مِن عَرفتِك
شوقي وإحساسي سِكن وين ماسِكنتي
ويلي مِن الظَّروف
ياويلي والوقت يطوف
رِدِّي علي رِدِّي
وخذي العُمر كِلَّ العُمر مَهر
(بدر بورسلي)

يحاولون يبرمجونك

من صغرك اتغذّا قناعات واحساس
ويبيعك العالم اصول ومبادي
يحاولون يبرمجونك على اساس
ان انت تصبح مثلهم شخص عادي
(طارق الذيابي)

كن حيادي..

بس استمع للناس من كل الاجناس
ومع كل اديان البشر كن حيادي
احيان يغديك اللي للناس نبراس
واحياناً يدلك على الدرب غادي
(طارق الذيابي)

دعني مع الأحلام

دعني مع الأحلام بالله دعني
عن واقعي فضّلت دنيا خيالي
أشوف بعدي عن وجودي نفعني
على الأقل ارتاح يا صاح بالي
(سعود بن بندر)

يا طولك..

لاتكتئب وتعيش بظنون و اوهام
دامك سحابه لايوقف هطولك
وإن ضايقوك فبعض الاحيان الاقزام
مضايقتهم شي يعني: يا طولك!
(ياسر التويجري)

123