أبيات بواسطة عمشاء الـ ع ـتيبي

حلـف كـاذب

أحلف وأقول إني مع الوقت بأنساك !
الله يسامحني على حلف كاذب
(عبدالله البكر)

أول ضحكة !

طلبتك يا وطن عوّد وبدّد هالحزن فيني
تعب متني من حموله ورحل يا للأسف صبري !
تعال وجدّد أفراحي ورجّع بسمة سنيني
دخيل الله رجّعني لأول ضحكة في عمري !
(وجدان الأحمد)

وجّبت الحنايا

كنت فعلاً راعي واجب في الغياب
و حيل وجّبت الحنايا بقسوتك
(وجدان الأحمد)

حالتي صعبة

حالتي صعبة و ضيقة خاطري قلة حيا
منطوي و أحس فيني شيء مثلي منطوي
(فهد المساعد)

طعنة خوي

تدري وش أسهل شيء ممكن أسويّه
إليا نواني خاين أصير له فخ !
لكن وش أصعب شيء مقدر أعديه
طعنة خوي ٍ كان في منزلة أخ !
(نواف المزيريب)

طفلة !

و رجّع لي إبتساماتي
وطيبٍ .. يملي نيّاتي
أبي أرجع أنا طفلة
أضم اللعبة ما أحاتي !
(وجدان الأحمد)

لا واحسافة !

حتى الهوا في جوّهم والله ماكنه هـوا
أتنفّسه ثم أختنق وأفتك منه بزفرتي
أصيح للغيمه ظما واشوفها توحي النداء
من بعدها تمطر تعب لا وا حسافة صيحتي
أيقنت بأن البحر يعكس للبشر وجه السماء
مير البلا وجه البشر مايعكس الاّ حسرتي
(نواف المزيريب)

أُفّ !!

ماكان قصدي إني بهمي اشغلْك
بس حولنا اشياء في قمة السُخف !
المجتمع والظلم وأني ماأ وصلْك
تجبرني اخنق مُعظم انفاسي بـ أُفّ !
(العنود العبدالله)

مدري!

اللي سألني عن أحوالك وأنا ساهي
كنّه ينبّش عن الأحزان في صدري
حاولت أدوّر عذر لو هو عذر واهي
وطاحت دموعي عليه وقلت له مدري !
(عبد الرحمن الرويس)