أبيات بواسطة فهد

أحس اني السجين

أحس اني السجين اللي مماته حزّة إفراجه
وأحس انه تفاصيلي صفاتي هيبتي شكلي
طفت في عيوني الدنيا من أول ما طفا سْراجه
وأنا اْدري ما طفا سْراجه لغيري مرةٍ قبلي
مع اني كنت أنا أحرص عليه وْماأبي ازعاجه
وهو ما فكّر إلا انه يقص بْغيبته حبلي
أبعثر شنطة أوجاعي وألملمني من أدراجه
ولا لملمت منها إلاّ بقايا صورتي وظلي
(فهد بن سرور السعدي)

يمه

يمه انا مابي رصيد وملايين
ولا اريد من الزمن كل الاحلام
انا ما اريد اصحاب عندي ومحبيين
ولا سألت الحظ وشفيه ماقام
انا اريد إنك على الارض تبقين
انا اريد انك معي كل الايام
(عبدالله الزياد)

يامل قلب

يا مل قلب يسج وفيه دولاجه
من هاجس بالضماير قام يدرجها
في معزل عن جميع الخلق وازعاجه
ما اسمع من الناس لو تكثر لجالجها
ما غير اهوجس تقول مضيع حاجة
آخذ واسند على روحي واهرجها
وادوج لو كان ما رجلي بدواجة
ادله النفس لين الله يفرجها
(عبدالله بن عون العتيبي)

اضحك

اضحـك ولا كـل الوجيه احترمهـا
وبعـض الوجـيه اهينهـا بأبتسامه
(على علوش)

نجمك طلع

لابان برهان الغلا من يساويك
نجمك طلع ونجوم غيرك تهاوت
(غير معروف)