أبيات بواسطة معانق الجرحّ

خل اللقا

‏خل اللقا يحيِي رسوم التجاعيد
‏ياللي على باب الأماني مكانك‏
‏شابت على رجوى الملاقى مواعيد
‏حتى ذبل وردٍ شريته.. عشانك
(غير معروف)

ماعتبّوا بابي..

حبيبي عادت أسراب الحمام وعادوا الغيّاب
وانا من كثر ماشفت الوجيه اشتقت لأحبابي
حبيبي من كثر ماشتقت لك صرت اكره الأبواب
ليا شفت الوصل..واهل الوصل ماعتّبوا بابي
(صالح السكيبي)

تعال نشرب

تعال نشرب لضيق الوقت واحراجه
كاسٍ من الصبر فيه أعلن لميلادي
نخب الجفا فالعيون وثورة الحاجه
نخب المساكين واسم الفقر وبلادي
ياصاحبي وان بغيت تعيش قم واجه
أحلامك اللي بدت تستنزف اجهادي
(سين)

اشتقت لأحبابي !

حبيبي عادت اسراب الحمام وعادوا الغيّاب
وانا من كثر ماشفت الوجيه أشتقت لأحبابي
حبيبي من كثر ما اشتقت لك صرت أكره الآبواب
ليا شفت الوصل واهل الوصل ماعتّبوا بابي !
(صالح السكيبي)

افتحي صدر السما..

افتحي صدر السما يمكنْ اطير
عادتي لا ضاقت الدنيا كفخت ..
اترك اوجاعي عَلى قاعي واغير
في فضا محدن يجيني لا صرخت !
(غير معروف)

جيت السحاب

جيت السحَاب ومالقيت الحبايب
شكل السما في غيبتي امطرتهم
علمي بهم يوم انهم لي قرايب
وانا الثمر وظلالهم وشْجرتهم !
(ناصر الدهمشي)

لميت صدري ..

لو بين أصابعك يالريح أختنَق صوتي
ذريني لصمتْ يشبه صمت من راحوا
فالبرد لميت صدري وأنفتح كُوتي
غمّضت جَفني.. شفْ عاد الذي طاحوا !
(غير معروف)

ما لمحته ..!

علموه إنّي تفقدت الوجيه
وما لمحته وأنزرع بالجُوف آه !
البكا ورّم عيونٍ ترتجيه !
حتّى خفّاقي من اللوعَه بكاه
يا رياح الشوق .. هالدفتر خذيه
باكر يمُوت القصيد وما قراه!
وعلميه أن ضاقت الدنيا عليه
صاحبه باقي هنيَّا ما نساه
(غير معروف)

للصمت لذّه..

باب السهر ياضيقة الصدر مفتوح
تمخطري ماحولك الا عيُوني
للصمت لذّه لا غدى للوله بُوح
رغم أن صمتي مايخفف طعوني !
يا غايبه .. صُوت التناهيد مبحُوح
والا الصدى ما ملْ يجرح سكوني
لا صار باب الصدر للحزن مفتوح
مانيب لايم دمعتي ... ياعيوني !
(زايد الرويس)

أنتظر طيفك يبين !

وين يا ملح السنينْ !
لي سنه.. لا والله أكثر
أنثر احساسي حنين .،
وأكتم أنفاسي أخاف الشوق يطلع !
في رجا..أنّك تجين !
في رجا .. إنّك تعيدين الحياة ..
للي بعدك قام يصرخ :
آه وآه وآه !
للي بعدك .. ضاع بعضه
وبعضه الباقي
.. نساه !
شوفي حالي !
منطوي وحدي .. ولا لي !
غير أقلّب ذكرياتي ..
وأنتظر طيفك يبين !
(بركات الشمري)

123الأخير ›