أبيات بواسطة منصور

سكر صباحك

سكر صباحك ذاب في صحوة الورد
والورد حلمه لو يشدّ انتباهك
تدري وش أجمل شي تهديه للبرد؟
بخار فمّك وارتجافة شفاهك
(ماجد مقبل)

الفقر ..

يامترف ..الله الوحيد المُتكّل
وطّيت لك راسي عقب فقري وطاه
ابي اكل فقط فقط ابي اكل
عطني حياه شوي من هذي الحياه
(منصور بن ناصر)

وزر المفارق

لو المفارق وزر.. والله ما شلته
وكلن على قد ذنبه يكسب اوزاره
انتي مثل بيت شعرٍ عقب ماقلته
رجعت ابعثر حروفه واشطب افكاره
(محمد الظفيري)

الضيف الثقيل ..

لا جتك من بعض المطافيق زله!
احشم جنابك عن هل القيل والقال
ضيفٍ يجي ودك تقهويه دله
وضيفٍ يجي ودك تصكه بفنجال
(محمد الظفيري)

الحب مبدأ

شلون ابنهيها ، ومن وين اببدأ
لاصار هذا القلب يشهق ينآديه
سويت له كل شي والحب مبدأ
ونسيت حنا بوقت تخذل مبآديه
(محمد الظفيري)

مامن حظ

كنت اتمنى قربها وحبها ، مير ؟
حظي من الدنيا على طول باير
اذا بغيت الشي لا يمكن يصير
وان مابغيت يصير تلقاه صاير
(محمد الظفيري)

خل عندك آمل

لا يهمك لو تطيح و تنكسر
انكسار الحظ ما يعني انهزام
أجمع الآمك وسو منها جسر
واعبر الاحزان من فوق الغمام
(محمد الظفيري)

كل شي

كل شي
وله شي
الا انت
ماعتبرك ولا شي
لا تقول شي
حافظك وعارفك !
ما يخفاني
اي شي !
(فهد الماضي)