أبيات بواسطة نور

حتى وليفك

الوقت لو زان لك ياصاح مادامِ
ياسرع ماتعترض دربك بلاويها
حتَّى وليفك ولو هيَّم بك هيامِ
سيَّور الايَّام تجنح به عواديها
(خالد الفيصل)

كانوا هنا

احفظ لهم ودٍ على مر الآيام
حتى واذا من محجر العين طاحوا
واليا سأالك القلب قله من العام
كانو هنا .. كانو هنا بس راحوا
دربٍ يودي في مساريه الأحلام
لا تلتفت لو باطرف العمر لاحوا
(محمد سليمان العنزي)

نصفي الثاني

انت في كل حاجة نصفي الثاني
إلا قلبي .. لأنك ماخذه كله
(فهد الحيدان)

العذر السمين

صابتني التخمة من العذر السمين
ماعاد في .. جوفي .. مكانً للعذر
صرنا من احداث الليال .. ملكعين
وإلا اول اجوادٍ نجامل .. ونعذر
(نجم جزاع الاسلمي)

انت اخر انسان

انت اخر انسان في بالي يخليني
و انت اول انسان في دنيّاي .. خلاني
(جابر بن علوش)

جعلتك في العلاء

وكم قد شاهدتكَ الناسُ قَبلي
فَما نَظروكَ كلّهمُ بعَيني
وطاوعتُ الفتوةَ فيكَ حتى
جَعلتُكَ في العلاءِ برُتبتينِ
(صفي الدين الحلي)

عيني ..

أأجعَلُ لي سِواكَ عليك عَيناً
وكنتَ على جميع الناسِ عيني
(صفي الدين الحلي)

لا تنازل

لا تنازل عن فخامة الامتناع
الحدايق ما لها سور منيع
ومايعلم بالصحيح إلا الشجاع
والصحيح يضيق الصدر الوسيع
(عبدالله علوش)

تزعل وترجع

تزعل وترجع وتلقاني على خبرك
وانا انكسر لك واجيك أدور لجبري
امحق وليف ومحبة والا اقول.. أبرك
حسبي عليك.. اعشقك وانت تحفر قبري
(محمد بن فطيس)

ماغير امك وطن

امك ماغير امك وطن يابن الاجواد
فرصة حياتك ضمها واغتنمها
في حضنها رحمة وقصة وميلاد
ما يكفي الجنة مواطي قدمها
بعيونها تسهر معك هم وسهاد
حرام تاخذ نومها وتحرمها
لو يزعلون اغلى المواليف وش عاد
والله مايسوون ماطى قدمها
(محمد ال عمرة المري)

123الأخير ›