أبيات بواسطة نور

ماغير امك وطن

امك ماغير امك وطن يابن الاجواد
فرصة حياتك ضمها واغتنمها
في حضنها رحمة وقصة وميلاد
ما يكفي الجنة مواطي قدمها
بعيونها تسهر معك هم وسهاد
حرام تاخذ نومها وتحرمها
لو يزعلون اغلى المواليف وش عاد
والله مايسوون ماطى قدمها
(محمد ال عمرة المري)

طاري السفر

وانا احبه مثل حب العرب للشجاع
اللي ليا شاف صعبٍ في اللقا طوّعه
واحب حتى دموعٍ سِرها ما يذاع
لأن دمعته تسعدني وهي موجعة
اشوف فيها غلا واشوف فيها اندفاع
واحس فيها بعد ضيق المواصل سَعة
جيشه ضلوعي وقلبي له وزارة دفاع
وحدود صدري حدوده.. والحشا مربعه
باموت ماجا على عرشه بقلبي نزاع
بدت مقاليد حكمه خاتم في اصبعه
فلا يوادع وانا ما احب طاري الوداع
الغالي.. أشد ما يوجعني اودعه
به شخص نبكيه دهر وشخص نبكيه ساع
وبه شخص لا غاب .. غابوا ناس واجد معه
(علي بن حمري)

جعلني مثل النخل

يالله لا اله إلا انت ياوالي الأمر
انت قضّاي الحوايج ثم انت المستعان
جعلني مثل النخل ما اجيب إلا تمر
لجل مايزعل علي فلان ولا فلان
ادري ان الوقت حوّاج والدنيا ممر
والأصدقا ماتذخر الا لحاجات الزمان
أحدٍ لما نصيته .. ثماني عن عشر
واحدٍ لما نصيته غَدت عشري ثمان
(سعد بن جدلان)

أُف ..

أف .. ياكبر الاحلام اللي على بالي وشفي
وأخ.. ياراسي من التفكير في من لا يشونه
وأح .. ياحر انتظاري للقبول من المقفي
وآه .. ياحب عطيته ناس مايستاهلونه
(سعد بن جدلان)

يقص راس الملك

فوق الحراير وفوق ملجمات الحنوك
مسعى ميات السنين يحققه بضحوه
خلى السلاطين تحت ذباب سيفه بروك
عند الجمال رغوة والمحصنات انعوه
لا يلتفت للملوك ولا عيال الملوك
يقص راس الملك ويقول صب قهوه
(سعد بن جدلان)

الهرج

الاحسان يابن عبيد يجزى بالاحسان
والشر تنطحه الوجيه الشريره
ماقَل دَل وزبدة الهرج نيشان
والهرج يغني صامله عن كثيره
(راكان بن حثلين)

افتني ياشيخ

‫مير افتني ياشيخ .. من افضل؟ جزاك الله خير‬
‫مادري الغني والّا فقير الحال؟ ياشيخ افتني‬
‫هو الغني اللي يزكِّي بالسنة مرّة فقير؟‬
‫والّا الفقير اللي قضى عمره زكاةٍ للغني ؟‬
‫(محمد الدحيمي‬⁩‬)

التأني

قد يبلغ المتأني بعض حاجته
وقد يكون من المستعجل الزلل
وقد يضر ببعض الناس بطؤهم
وكان خيراً لهم لو أنهم عجلوا
(عمير بن شبيم)

يا كليب شب النار

يا كليب.. شب النار.. يا كليب.. شبه
عليك شبّه.. والحطب.. لك يجابي
وادغث لها ياكليب من سَمر جبّة
وشبّه.. إلى منّه غفى كل هابي
(دغيّم الظلماوي)

حب احد غيري

حب احد غيري عسى الله يهنيك
حبه .. ولكن لا تسوي سواتي
ماعاد يمديني واذا عاد يميدك
تعلم من اخطائي ومن صفاتي
اما انا ... اعرف ماني بناسيك
انا رجل مصنوع من ذكرياتي
(سعد علوش)

123الأخير ›