أبيات بواسطة نوف

ودي امسك كلامك..

خارج الشمس نور وانت داخلك نور
وجهك أتعلّمه وانساه واتعلّمه
لاتكلمت؟ يملاني كلامك شعور
ودّي امسك كلامك وانت تتكلّمه
(سعد علوش)

يابو الحلا

يابو الحلا و أبو الغلا و الذواقه
سرايرك مله و حكيك نبوه !
روحك و قلبي لو بحلل و ثاقه
مربوطة في بعض هيا و هوه
(سعد علوش)

هو باقي عمر؟

اليوم ذكرى وداعك وش بتهديني؟
اليوم عيد الفراق وحفل نسياني
اليوم أنا باشتعل شمعه وطفيني
اليوم ابهديك حظاً ما تمناني
كل عام وانتي بعيده ما ذكرتيني
وكل عام وانا السهر بيتي وعنواني
يا غايبه معك يكفي ضاعت سنيني
هو باقي عمراً يضيع لواحداً ثاني؟!
(محمد الوسمي)

لا جت تنام

لا جت تنام أحلامها فوق السرير تصف دور
وتصيح فيهم: يا يجيني حلم مثلي يابلاش!
نامت وحلمت بأنها وردة يميلها الغرور
وكل ما يميلها الغرور تزيد نشوة وانتعاش
جات امها تهزها:قومي يا ماما للفطور
وبدت تفك عيونها بشويش ويطير الفراش!
(محمد الوسمي)

شكراً لأحساسنا

رحنا ورى الحب لين الحب ضيّعنا
مدري نسينا الزمن والا تناسينا!
الين عشنا بلا صوره ولا معنى
ارواح تشبه لنا ظلمة ليالينا
واليوم ماعاد باقي شي يجمعنا
الا الوجع والضياع وحزن ماضينا
شكراً لأحساسنا اللي كان يخدعنا
شكراً لوقتٍ خذانا قبل يعطينا
بكت لنا الارض يوم انّا توادعنا
لأن الارض احضنتنا يوم حبينا
(محمد الوسمي)

الأربع زوايا

لاضاقت الأربع زوايا على البال
ذكرت ربي مفرج الضيق كله
يجبر كسير الوقت في عثرة الحال
وبتنفرج مادام هرجي على الله
(الشريف مشاري العبدلي)

قلبي اصيل

قلبي اصيل وماضي الحب ماانساه
والصاحب الغالي تشيله عيوني
اشتاق له واشفق لصوته وطرياه
واقول هو دنياي وشموع كوني
حبيب قلبي ماتناسيت طرياه
لو العرب في عشرته يعذلوني
(علي الزعبي)