أبيات بواسطة MAY

هذاك دمعي

هذاك دمعي وكنه صار بأسبابـك
يجفى عيوني وروح ينتخي قربك
وهذاك صوت رميته ساعة غيابك
حتى صداه استخار وهج مع دربك
(محمد الحويماني)

الشعر طير

ماجيت أقول القصيد ورحت اغني به
ولا كتبته لعين وكـف عشاقي
من يوم وقتي ثعـت فيني مخاليبه
والشعر طير وسماه بداخل اعماقي !
(محمد الحويماني)

من غبت

من غبت والناس كن نفوسها قشرا
الطفهم اللي كسر روحي وهلابي
الجرح يبرا لو ان الوقت ما يبرى
شف وقتي اللي خذلني ويش سوى بي
(محمد الحويماني)

يحق لك

يحق لك تعتب علي وتشره
مع إني ادمح زلتك ما تشرهت
لاني ادري لو تشرهت مره
عليك تكبر شرهتي ما تنبهت
(محمد الحويماني)