أبيات بواسطة شهرزاد

صامل ..

عقب الخطا قلبي على البعد صامل
وفر كلامك .. عارف اللي تبي تقول
عندي خبر .. ما فيه بالخلق كامل
وعندك خبر لاخطيت ماني بمسؤول
(محمد الظفيري)

هدم ... زلزل .. عثا .. افسد

فتق غول الجروح وباقي جروحي تساومني
أكابر من شغف عـزّة مباديء كنت راسمها
هدم زلزل عثا افسد ... كذا بالهون بعثرني
عبث فيني تحت وطأة ظروف(ن) كان يعلمها
قريب استسلم ولكن رقيق الشـوق فوقني
يقول اصحى (...) واقع حياتـك كيف تظلمها
وانا وش ضيّع افكاري سواهـا وانت تعرفني
بدون عيونهـا وهمس الغلا والحـب ملهمها
(مطلق نايف أبو ظهير)

12